Katarina Barruk lea okta buot eanemus dovddus lávluin Sámis, guhte lea beaggán go ráhkada ođđahutkkálaš musihka mas seaguha juoigama ja ubmisámi teavsttaid. Maŋimuš jagiid lea Barruk čuojahan eanet go 100 konseartta moanat eurohpálaš riikkain. Son lea illudahttán Riddu-gussiid máŋgga háve – maŋemus go juovlamánus jagis 2021 čuojahii konseartta Olmmáivákkis. Barruka nubbi álbuma ilmmai diibmá, ja su čuovvut sáhttet illudit návddašit sihke boares ja ođđa jiellatlávlagiid Riddu Riđđus geasset.

Foto: Helleday Arts