Mustafa x Elle Máijá

Konsearttat

Riddu Riđđu ovdandivvu áibbas varas musihkalaš ovttasbarggu gaskal askerbártni Mustafa Hasana ja sámi Elle Máijá Klefstad Bæra. 

Mustafa Hasan lea beaggán hirbmat čuohcci teavsttaidisguin, mat muitalit su dáistaleamis ONA ja ODI vuostá. Guđajahkásažžan bođii bearrašis mielde Norgii ja maŋŋel go lei orron máŋga jagi riikkas, de galge su sáddet olggos dieđuid geažil maid su eadni lei addán. Su ášši lea boktán beroštumi Norggas ja čalmmustahttán eará guhkáorru asylamánáid dili. Son lei oassin “Uønsket”-nammasaš NRK-ráiddus, mii gieskat vuittii Gullrutena. Guovvamánus čielggai ahte Mustafa beassá orrut Norggas. Mustafas lea ollu muitaleamoš ja joatká ain musihkain bargat.

Elle Máijá Klefstad Bær lea kárášjohkalaš gitáračuojaheaddji ja lávlu. Son lea beaggán sámi musihkas dan rájes go lei beallešaddi. Eanemusat lea beaggán sologitáračuojaheaddjin Rolffas, muhto Elle Máijá lea maiddái bargan Mari Boiniin ja lea leamaš oassin prošeavttain nugo Bitches Brew-joavkkus ja Dolvot nammasaš sámi lávllačállincampas. Maŋemus jagi lea bargan vuosttaš soloprošeavttainis mas sihke juoigá ja davvisámegillii lávlu.

share

Boahttevaš dáhpáhusat

Konsearttat
22:00
Lávdi