Internašunála Sámi Filbmainstituhtta ovdanbuktá oanehašfilmmažiid maid eamiálbmotfilbmadahkkit miehtá máilmme leat ráhkadan. Filmmažat addet midjiide nana geahččanguovlluid identitehtii, gullevašvuhtii ja vuostálastinnákcii otná eamiálbmotservvodagain. 

Čájálmas bistá 54 minuhta ja čájehuvvo Nisga’s House:s. Ii leat dárbu diŋgot bileahtaid ovdagihtii. 

Vuogáiduvvan (SÁ)   

Bagadalli: Aslak Paltto 

Vuogáiduvvan lea viđa minuhtasaš dokumentárafilbma mii čuovvu nuorra sápmelačča ja boazodoalli Sámi davimus guovllus. Sus lea hástaleaddjin dálkkádat mii lea rievdadusas ja massin luonddudiliin mat leat dahkan boazodoalu vejolažžan máttarbuolvvaid áiggiid rájes. 

Filbma čájeha mii geavvá go muohta šaddá arvin, arvi šaddá jiekŋan, ja go dološ máhtu deaivá ođđaáigásaš hástalusaid man eai sáhte šat čoavdit árbevirolaš vugiiguin. Dat muitala ovtta kultuvrra historjjá mas leat ruohttasat eatnamis, mii dál ráhččá doalahit iežas eallinvuođu. 

Ovtta boazodoalli vásáhusaid bokte de suokkarda filbma dan garra eahpesihkkarvuođa man dálkerievdadus buktá – ii dušše elliid ja luonddu hárrái, muhto nai identitehta, muittuid ja eallámuša. 

Tamatta Ataqatigiippugut (We Are All Connected) (KN/GL)   

Bagadalli: Arina Kleist 

Filbma lea reflekšuvdna min máttuid vuoiŋŋaid ja min boatkaneami luondduoktavuođas, muitaluvvon garra govaid bokte, inuihta vuolggasajis. 

Two Old Women (AK/US)   

Bagadalli: Princess Johnson 

Guokte boarrásat gwich’in nissonat Sa’ ja Ch’idzigyaak guđđojuvvoba iežaska čearddas  nealgeheahtedilis. Morrašis ja balus boahtteáiggi ektui, ferte Sa’ jáhkihit Ch’idzigyaak ahte lea veara dáistalit eallima ovddas, ja “jus jápme, de galge jápmit eallima ovddas” 

Vielljažagaid iežaska jáhkku (Brothers in Faith) (SÁ)   

Bagadalli: Per-Josef Idivuoma 

Duohta muitalus vieljažagaid Niillas ja Ánde Somby ja sudno rahčama birra 1960-logus internáhtaskuvllas. Kolonialisma harcii juohke hámi mii gokčá sáni iešdovdu ja ii guođđán makkárge saji nieguide – dušše amas njuolggadusat ja jaskesvuohta. 

Filbma hábmehuvvo jaskatvuođas, dat mii ii dadjo ja govvida elemeanttaid guokte albmá mánnávuođain, geat maŋŋelačča šattaiga guovddážin sámi vuoigatvuođa rahčamis, ja ain báidná digaštallama gaskkal historjjá ja vuosttaldeami.  

Waska – The Forest is My Family (EC)   

Bagadalli: Nina Gualinga 

Dan botta go kommersialiseren ja resurssaávkkástallan Amazonas arvevuovddis maid sisttisdoallá šaddodálkasiid hayakwaska, de muitala yachaka (šamána) mánáidmánná mii dat rievtti miel mielddisbuktá eallit vuvddiin.  

Nina Gualinga gullá kichwa álbmogii Sarayaku:s ja juogada muittuid su apayaya (áddjá) birra ja čalmmustahttá dálá kultuvrralaš appropriašuvnna, birasbillisteami, ja álgoálbmogiid birzzeheami. Seamma áigge de jearrá gažaldagaid mat gokčet min oktavuođa eatnamiin ja mo mii ohcat buorádusa. 

Govva