High Water Drum Group lea fámolaš bearašvuđot rumbojoavku geat bohtet Lower Similkameen Indian Band, Syilx/Okanagan Nationis, British Columbias, Canadas. 

High Water Drum Group seailluha rámálaš musihkkaárbevieru mii lea beaggán eamiálbmotguovlluin miehtá Davvi-Amerihká buolvvaid čađa. Eanet go 35 jagi lea bearaš mátkkoštan ruossut rássut Canadas ja USAs, ja oassálastán powwowain, seremoniijain, kulturlágidemiin ja ollu festiválain. 

Juohke rumboritma ja juohke lávlla guddet historjjá, giela ja nana čatnašumi ruovtturiikkii ja smelqmix (Similkameen/Syilx-álbmot) identitehtii. 

Mii leat guhka háliidan powwow  rumbojoavkku Riddu-guolbanii - dál dat viimmat ollášuvvá! Searvva go High Water Drum Group lávke Riddu Riđu váldolávdái!