JUXTA PAGANOS lei tearbma máid girku geavahii govvidit risttalašvuođa olggumus ráji, jorgaluvvon latiinnagielas mearkkaša dat "bahkiniid lahka”. Jagi 1308 mearrádusas govvidii Vatikana Romssa girku justte dáigun sániiguin, ja dainna sárggastedje ge sázu eatnamii. 

Tearbma “juxta paganos” čujuhii rádjái gos oarjemáilmmi oskkolaš fápmu deaivvadii álgoálbmotmáilmmiin. Dat šattai davimus rádjeguovlun jahkečuđiid guhkkosaš kampánjjas assimileret, duolbmut ja jávkadit sámi álbmoga. Miehtá máilmmi geahččaledje seamma koloniála fámut ja miššonáŋgirvuođa fámut jávohuhttet álgoálbmogiid giela geavaheami gildosiin, ja kriminaliseremiin sin jietnaárbevieruid ja muitalanvugiid. 

Muhto vuoiŋŋat biehttaledje vuolláneamis. 

Dáinna ovttasbargokonsearttain mii čoahkkanit ávvudit sámiid, inuihttaid ja mongolalaš álbmogiid gillilis jietnaárbevieruid. Artisttaid bokte geat máhcahit, fievrridit ja ovddidit dáid dološ teknihkaid, mii gudnejahttit muitalusaid maid eai nákcen jávkadit. 

Hildá Länsman & Tuomas Norvio duo (luohti, elektronihkka) čuoldá vokalisttaid Nasaa Ganbold (Khöömei) ja Charlotte Qamaniq & Cynthia Pitsiulak (Katajjaq) vuoibmás fámu iežaset dramáhtalaš, ealli elektrovnnalaš jietnamáilbmái. 

Dát ovttasbargu hábme hárvenaš jietnamáilmmi gos ovddeš áigi deaivvada dálá áiggiin ja musihkka ovttastuvvá mášiinnain - rájáid rasttildeaddji ávvudeapmi, jođihuvvon álgoálbmot muitalanárbevieru nanu vuoiŋŋain.  

Searvva minguin olggumus rádjái. 

Oasálaččat: 

Hildá Länsman - Luohti, vokala, giehtarumbu  

Charlotte Qamaniq - Katajjaq, vokala 

Cynthia Pitsiulak - Katajjaq, vokala 

Nasaa Ganbold –Khöömei, vokala, Morin Khuur, Tovshuur  

Tuomas Norvio - Elektronihkka 

Alice Marie Jektevik – Govva- ja prošeaktajođiheaddji