Ovttasbarggus Romssa fylkkabibliotehkain lágiduvvo dán jagi girjjálašvuođaprográmma. 

Maren Uthaug lea girječálli, govvaráidosárgu ja bloggár gii lea riegádan Guovdageainnus ja bajásšaddan Dánmárkkus. Ássá dál Københavnas. Dadjá iežas bealle sápmelažžan, bealle rivgun ja oalle dánskalažžan. Vuosttašromána Sånn ble det (2014) muitala sámenieiddas gii fárre Dánmárkui, muhto dat ii leat iešbiografiija. Son lea almmuhan ollu satiralaš govvaráidogirjjiid mat muitalit sámi kultuvrras, ja lea sárgon Ting jeg gjorde-ráiddu Politiken áviisii 2013 rájes. Maiddái Harstad Tidene ja iTromsø deaddilit ráiddu. Son lea leamaš guossesárgun Dagbladetis. Aitto oaččui Rocky-stipeandda, mii galgá bajidit nisson sárguid. Miessemánus almmuhuvvui su nubbi romána, Hvor der er fugle, Dánmárkkus. Riddu Riđđus, ságastallamis Irene Larseniin, beassat deaivvadit suinna ja gullat su satiralaš govvaráidogirjjiin ja románain.