Ovttasbarggus Romssa álbmotgirjerádjosiin vuosiha Riddu Riđđu «Bluppe» mánáidčájálmasa, dakkár «juoigikála» mii lea Inga Borga girjji vuođul dramatiserejuvvon. Bluppe lea uhca olbmáš geas leat alit vuovttat ja orru duoddaris. Son lea oaidnemeahttun, earet go dasa gii sutnje jáhkká. Juoigikálas, mii fátmmasta veaháš eanebuš go musikálašáŋŋer, vásihit juoigama, lávluma, dánsuma, musihka ja čállosiid. Čájálmas lea oarjelsámegillii ja dárogillii, ja neavttárat leat Hilde Stensland, Nils Rune Utsi ja Marte F. Sarre. 

Ii leat dárbbašlaš várret bileahtaid ovdagihtii. Doama ollet báikái buori áiggis, vai oaččut saji!