Boares ja ođđa akšunistta deaivvadeaba
Searválaga Mun dajan - Sámi girječálliid servviin bovdet mii ságastallamii dáinna guovttuin:
Niillas A. Somby (Sombán Áillu Niillas) ja Ella Marie Hætta Isaksen.
Boares ja ođđa akšunisttaguovttus deaivvadeaba ságastallat sámi aktivismma, sámi vuoigatvuođaid rahčamuša ja soabadeami njoahcivuođa birra. Soai leaba goappašagat almmuhan gieskat dehálaš girjjiid. Niillas A. Somby almmustahtii 2016:s, dárogillii 2022:s, girjji Gumppe diimmus. Ella Marie Hætta girji Danne galggat diehtit mun lean sápmelaš, bođii jagi ovdal, čakčat 2021:s.
Somby lea akšunista gii oaffarušai ollu, earret eará gieđa Álttá akšuvnnain 43 jagi dás ovdal. Hætta lea akšunista gii attii jiena ja fámu Fosen akšuvdnii maŋimus jagi.
Gumpe lea myhtalaš ealli sámi kultuvrras ja das leat vuoimmalaš luođit. Nubbi geavahii sáni girjjis tihttelis, ja nubbi juoiggai gumppe go oljo- ja energiijaministtar Terje Aasland bođii Stuorradikki Vandrehállii.
Man muttos lea rahčamuš jávrriid ja eatnamiid ovddas Sámis dál? Mii das lea várra? Lea go Norggas soabadallan vuoigŋa?
Giella: Dárogillii.
Ságastallama jođiha: Marit Anne Hauan.
Boahttevaš dáhpáhusat
