Open Call: Johkaeamiálbmogat – Dán jagi davvi álbmot 2026

Riddu Riđđu bovde dáiddáriid ja árbevierroguddiid geat gullet johkaeamiálbmogiidda davvin ohcat oassálastin Dán jagi davvi álbmot 2026-delegašuvdnii. 

Riddu Riđđu oainnusmahttá 2026:s Alaska, Turtle Islanda/Kanáda, Kalaallit Nunaata, Sámi ja Japana Ainu-guovlluid johkaeamiálbmogiid. 

Gii sáhttá ohcat? 

Open call lea rabas eamiálbmotdáiddáriidda, kulturdolliide ja árbevierroguddiide:  

  • geain lea gullevašvuohta jogaide/eanuide mat sidjiide leat kultuvrralaš, gielalaš, vuoiŋŋalaš dahje ávnnaslaš eallinvuođđun 

  • geat barget dáidaga, kultuvrra, duddjoma, muitalanárbevieru, musihka, lávdedáidaga, visuála dáidaga dahje iežá kultuvrralaš dovddahemiid siskkobealde 

  • geat identifiserejit iežaset eamiálbmogin davvin 

  • geain lea gullevašvuohta Alaskai, Turtle Islandii/Kanádai, Kalaallit Nunaatii, Sápmái dahje Japana Ainu-guovlluide.  

Mii ávžžuhit sihke boarrásit ja nuorat, ásaiduvvon ja ođđa jienaid ohcat.  

Maid oassálastin mearkkaša? 

Válljejuvvon oasseváldit bovdejuvvojit searvat Dán jagi davvi álbmoga delegašuvdnii jagi 2026 Riddu Riđđu festiválas. Oassálastin sáhttá earet eará siskkildit:  

  • dáiddalaš ovdanbuktimiid dahje kultuvrralaš addagiid 

  • oassálastima ságastallamiin, deaivvademiin ja máhttolonohallamiin 

  • fierpmádathuksema sámi dáiddáriiguin ja eará eamiálbmogiiguin davvin.  

Riddu Riđđu gokčá mátkki, orruma, borrama ja honorára oassálastima oktavuođas.  

Manin johkaeamiálbmogiid? 

Eamiálbmogiidda davvin leat jogat ja eanut eanet go oasit eanadagas. Dat leat vuođđun eallimii, johtimii ja máhttui, ja čatnet olbmuid, gielaid ja doaimmaid oktii buolvvaid rastá. Go jogat nuoskkiduvvojit, buođđuduvvojit dahje jávket, de dat váikkuha arvat eanet go dušše luonddu.     

Jogat ja johkageainnut leat dađistaga eanet áitojuvvon dálkkádatrievdamiid, nuoskkidemiid ja huksemiid geažil. Dáin hástalusain ii leat dušše sáhka birrasis, muhto maiddái eamiálbmogiid vuoigatvuođain ja iešmearrideamis.   

Johkaeamiálbmogiid čohkkemiin Dán jagi davvi álbmogin háliida Riddu Riđđu čalmmustahttit eamiálbmogiid iežaset geahččanguovlluid, vásáhusaid ja čovdosiid, ja láhčit saji rájiidrasttildeaddji lonohallamiidda, ovttasbargguide ja solidaritehtii. 

Dáinna lágiin ozat 

Ohcamušas galgá leahkit:  

  • oanehis presentašuvdna dus ja du eamiálbmot- ja johkagullevašvuođas 

  • čilgehus du dáiddalaš dahje kultuvrralaš barggus 

  • evttohus maid don háliidat dahkat jagi 2026 Riddu Riđus 

  • vejolaš liŋkat, govat dahje dokumentašuvnnat du ovddeš bargguin. 

Ohcanáigemearri: Guovvamánu 27.b.  

Sádde ohcamuša deike: [email protected] ja čális dasa “Open Call – Northern people of the year” 

Eanet dieđut dás.