Sámegielat leat hearkkes dilis. Dát guoská sihke lulli-, julev ja davvisámegiela. Dáruiduhttinpolitihka dihte leat sámi giellageavaheaddjit, ja vejolaš geavaheaddjit, geahppánan sákka. Ođđa sámepolitihkka ja eanet dohkkehus sápmelaččaide dagaha ahte dárbbašuvvojit eanet sámegieloahpaheaddjit. Skuvllain, mánáidgárddiin, allaskuvllain ja universitehtain váilot sámegieloahpaheaddjit. Gávdnat ja skuvlet oahpaheddjiid lea stuorra hástalus. Dán jagi UiT-semináras jearrat maid galgat bargat vai sámegielgeavaheapmi lassána.

Ságastallan lea dárogillii.

Moderáhtor: Torjer Olsen, Sámi dutkamiid guovddáš (Sesam), UIT

Panela:

Mikkel Eskil Mikkelsen, Sámediggeráđđi

Bernt Eirik Lyngstad, sátnejođiheaddji Gáivuona suohkanis

Hilde Sollid, professor davviriikkalaš gielladiehtagis, UIT

Jill Abelsen Olsen, seniorráđđeaddi Bufetat

Lene Antonsen, Vuosttasamanuensis sámi gielladiehtagis, UIT