(Nyla Innuksuk, Canada, 2022) 

Báhcán nieiddaid joavku árktalaš gilis Pangnirtung Nunavutas ferte viežžat duostilvuođa, balddonasfilbmamáhtu ja čeavlás, inuihtalaš bivdoárbevieruid vai beassá eret varragoiki gomuvuođa ássiin.  

Ustibat servvoštallet jagi guhkimus beaivvis go váhnemat leat ávvudeamen geassebeaivvi, go fáhkkestaga deaivvadit gomuvuođa ássiin. Dát issoras šlájat goddet elliid ja olbmuid ja váldet hávddiid jápmán gorudiin. Muhto ii oktage baldde Pang nieiddaid! Somás filbma fas máidnasat, horror, sci-fi, lo-fi monsterbeavttut ja dievva šarbma Nyla Innuksuka guoimmuheaddji vuosttaš guhkesfilmmas.  

Dát filbma válljejuvvui ja čájehuvvui nuorain nuoraide TIFF UNG-prográmmas, ja dasa lassin čájehuvvui Romssa riikkaidgaskasaš filbmafestivála bivnnuhis prográmmas, Filmmat Davvin. 

Ahki 12+ 

Áigi: 1 diimmu ja 28 min