Tarrak boahtá Riddu Riđđu 2026 váldolávdái! 

Politihkka ja ráppa leat álo leamaš giehtalagaid, muhto gal dál Kalaallit Nunaata ráppa čuohcá erenoamážit. Tarrak lea erenoamáš njuolggačuolas. Son njuolggosánat ja dadjá áššiid nu mo dat leat.  

Son adno leat okta dain deháleamos jienain ruonáeatnan raplávddis ja teavsttaidis bokte ovdanbuktá movt politihka dássi ja persovnnalaš dássi leat oktii láktašuvvan, bastilis ja kompromissaid haga cuiggodemiin kolonialisttalaš jurddašeami. 

Son šattai albma dovddusin vuosttašskearruin FxGxS, je earenoamážit šattai šuokŋa «Tupilak» oiddot mii manai miehtá. Jagi 2019 bođii skearru Josef Tarrak, čiekŋalis persovnnalaš ja iežasbiográfalaš prošeakta mas artista suokkardallá sielu siskkimus lanjaid. Skearru ealáskii maiddai teáhterlávddis, ja čájálmas seammá namain ilmmai.  

Jagi 2023 ilmmai sus skerroš «Uummatima» ovttas dánskka rapjoavkkuin Suspekt. Jagi maŋŋel bohte skerrožat «Ua» ja «Fjernsynip Aquutaa», ja 2025 giđa bođii «Polka». 

Tarrak lea ožžon máŋggaid bálkkašumiid, earret eará Talentprisen Koda Awards doaluin 2017, Årets Pris Koda Awards doaluin 2021 ja Iešstivrejumi Naalakkersuisut movttiidahttinbálkkašumi 2017. 

Jagi 2023 šattai historjjálažžan go lei vuosttaš ruonáeatnan rappár gii čuojahii Roskilde Festiválas. 

Leatgo gearggus? Dát šaddá albma «hittan».