Njuolga Hársttáid garra gáhtain boahtiba RSP & Thomax, guovttis Davvi-Norgga hiphopa duohta veteránain! 

RSP oidnogođii juo jagis 2001 oassin Kompani 69:s, muhto beaggigođii albma ládje easka RSP & Thomax-vigneahtain ja Nordaførr EP:in 2010:s.  

Dan rájes leaba čuojahan dađistaga stuorát lávddiin miehtá riikka, samplen sihke Halvdan Sivertsena ja Erik Bye ja almmuhan moadde bures vuostáiváldon EP lassin sudno vuosttaš ollislaš skerrui, Ti runda rundt sola. Diimmá almmuhemiin, Fasefeil, mas earát eará ovttasbarggaiga Joddskiin, Oteriin ja OnklP:in, fiškaleigga maid čáppa sániid kritihkkariin.    

RSP ja Thomax buktiba šuoŋalaš ja darveheaddji hiphopa, ja mii illudit guossut čielga davvinorgalaš hiphop-klassihkkariid nugo Brøytebil, Fossefall ja XO Classic Riddu-lávddis dán geasi.  

Preassačállosisttiska čuoččuheaba ahte masa soai leaba čeahpimusat, dat lea buktit juohke hámat miellalágiid davvinorgalaččaide miehtá riikka, ja dan gal eat eahpit. Obbalohkui leat mii vissásat ahte dát šaddá okta dain veaháš erenoamáš vásáhusain Riddu-guolbanis!