STARTING FROM STARING

Movt deaivvadit makkárge áigumuša haga? Diktit fuolkevuođa leat doarvái, guoddin, lea vuđolaš sámi árvu. Dá lea eamiálbmotvuođđu dáistaleamis luondduriggodagaid ja kultuvrra boasttugeavaheami vuostá. 

Movt livččii jus it guođáše makkárge luotta olmmošlaš doaibmamis, it makkárge iežat ávdnasiid?

Dát guovttos álgiba gaifámiin. Leahkindilli mii lea ii mihkkege, garra ii mihkkege. Bisttuheapme, nugo lea leat olmmoš. 

Álgu ságasteami haga. Lásset čalmmiid, geassit geahčastaga fárustis. Joksat nuppi. Dahkat gealddu – vai leago várohus? Vuordit goas juoga lihkkasa. Reageret, baldalit, fuobmát leaikkastallama. Muhtin láhkai dehálaš, muhtin láhkai unohas. Guođđit. 

Seaivut juosat eará sadjái. Mii dat lea? Geahčastagaš vássánáigái? Gealddu čoahkáideapmi? Litna dáistaleapmi? Litna dáistaleapmi. 

Krediteren: 

Konseapta ja čájálmas: Birit Haarla, Katja Haarla
Dramaturgalaš veahkki: Antoine Dupuy-Larbre 
Jietna: Nicholas Franchett
Vuöllie/luohti: Katarina Barruk
Bádden ja luođi mixeren: Arnljot Nordvik 
Čuovgahábmen: Meri Ekola
Govven: ovttasbargu Outi Pieskiin

Bistá: 60 min

Biografiija:

Čiske Jovsset Biret Hánsa Outi Biret (Birit Haarla) ja Čiske Jovsset Biret Hánsa Outi Gáddjá (Katja Haarla) leaba goappašagat dánsejeaddjit ja doaimmaheaddji dáiddárat Dálvadasas Ohcejogas eret, Suoma bealde Sámis. Soai gearggaiga Suoma našuvnnalaš opera baleahtta skuvllas jagis 2019 ja leaba dál lohkame maŋemus jagi P.A.R.T.S - Performing Arts Research and Training Studios Brusselis. Birit ja Katja leaba ovttas dahkan ollu ovttasbargguid, ovdamearkka dihte visuálalaš dáiddáriin Marja Helanderiin oanehisfilmmain Eatnanvuloš Lottit, mii vuittii bálkkašumi Sundance Film Festivalas 2018:s, visuálalaš dáiddáriin Outi Pieskiin videoinstallašuvnnain Guhte Gullá, Helsinki Biennales 2021:s. Dál leaba bargame teáhterrešissevrrain Pauliina Feodoroffiin čájálmasain Matriarch Venezia Biennale 2022 Sámi Paviljongas. Riddu Riđđu eamiálbmot dáiddafestiválas leigga nominerejuvvon Dán jagi nuorra artistan jagis 2021.