Bures boahtin I'm a Sámi Boy dáiddačájáhusa rahpamii bie. 18:00! 

Dáiddačájáhus lea fágaidrasttildeaddji dáiddaprošeakta mii guorahallá sámi maskuliinavuođakultuvrra duoji, bonjudáidaga, performance ja filmma bokte.   

Moanat dáiddáriid barggut leat I'm a Sámi Boy nammasaš čájáhusas, duojáriin ja visuálalaš dáiddáriin Kai Mikkel Baltoin váldodáiddárin. Balto lei 2024:s Dán jagi nuorra dáiddár Riddu Riđđus ja lea dan dihte ožžon dán vejolašvuođa. 

I'm a Sámi Boy bovde nuorra sámi dáiddáriid kommenteret machokultuvrra ja sohkabeallerollaid Sámis. Dát ii leat dušše čájáhus, muhto maiddái bovdehus rabas ságastallamii sohkabeliid, identitehta ja fámu birra Sámis.  

Riddu sessions 2025:  

Jagis 2024 nammaduvvui Kai Mikkel Balto Dán jagi nuorra dáiddárin Riddu Riđđu Festiválas ja lea danin leamaš fárus Riddu Sessionsis, mii lea festivála sierra prográmma nuorra sámi dáiddáriidda.  

Dán jagi Riddu Sessions lea Kai Mikkel Balto I'm a Sámi Boy nammasaš dáiddačájáhus, mii maiddái lea dán jagi festiválačájáhus Riddu Riđđu Festiválas.    

Riddu Sessions bokte oahpásmuvvá geahčči buoret Balto viidodagain duoji ja visuálalaš dáidaga siskkobealde.  

Biografiija: 

Kai Mikkel Balto (25) lea duojár ja visuálalaš dáiddár Romssas eret, gii sakka áŋgiruššá bonjufáttát dáiddalaš dovddaheami ovddas. Su oaivádusgáldun lea sámi designa ja dat lea boktán sus dađistaga eanet beroštumi duodjái. Baltos lea bachelor digitála dáidagis ja animašuvnnas Høgskolen i Innlandetis, ja lea easka čađahan jagi Sámij åhpadusguovdásjis garraduoji oahpus. Son lea bargan guorahallat iežas dáiddadoaimma visuálalaš dáidaga ja duoji seaguhemiin. 

Mielde I’m a Sámi Boy čájáhusas: 

Kai Mikkel Balto 

Agnes Konst Matheussen 

Mihkkal Hætta 

Ánde Somby 

niilas helander 

Ritni Ráste Pieski 

Nils-Aslak Valkeapää 

Mentor: Anna-Stina Svakko 

Curator: Siri Mari Vitalis Larsen 

Čájáhus lea rabas gitta 20:00 rádjái, ja muđui sáhttá dan geahččat duorastagas lávvordahkii bie. 10:00 – 18:00 ja sotnabeaivvi 10:00 – 14:00. Čájáhus bissu Davvi Álbmogiid Guovddáš gitta čakčamánu lohppii.