Dál dáhpáhuvva, buorit olbmot: Pamyua máhccá Riddu Riđđui! 

Lea badjel 25 jagi áigi go Pamyua čuoččui Riddu-lávddis, ja viimmat boahtá joavku ruovttoluotta. Alaska joavku váldá mielde hávskes ritmmaid, fámolaš energiija ja lávdelagasvuođa máid sáhtát dovdat olles gorudis. 

Pamyua ovttastahttá musihka ja dánssa iežas erenoamaš vugiin, ja addá midjiide hárvenaš geahčastaga kultuvraset. Sin musihkas leat ruohttasat árbevirolaš Yup'ik / Cup'ik-kultuvrras, muhto oažžu ođđa eallima ođđaáigásaš ovdanbuktimiid ja čuojahanjoavkku bokte. Boađus? Iežaset stiila, dávjá gohčoduvvon "Inuit Soul Music". 

Pamyua lea illosan olbmuid miehtá máilmmi, ja dál lea min vuorru! Dás sáhtát vuordit konseartavásáhusa máid boađát muitit.  

Mii illudit sávvat Pamyuai buresboahtima Gáivutnii dán geasi - gos sii lávkejit váldolávdái Riddu Riđđus!