OZAS lea oappáš guovtto Risten Anine ja Sara Marielle Gaup. Soai buktiba musihkkariid ja dánsejeddjiid čájálmassii. Sámi ulloliinni geavahit buot nissonat miehtá Sámi ja lea dan dihte dehálaš gullevašvuođa- ja identitehtadovdomearkan. Čájálmasas gieđahallá OZAS mo ulloliinnis lea máŋga doaimma. Sáhttágo ulloliidni leat symbolan vuosttildeapmi servvodathástalusaide main gárra tabuat? Máŋggaid jagiid assimilerenpolitihkka ja koloniseren lea dáhkan traumaid ja rabas háviid sámi servvodahkii. Dáid ferte čalmmustahttit.

Čájálmas lea kultursállas ja dohko ferte dán jagi ovddalgihtii várret saji. Dan sáhtát dáhkat vuossárgga rájes festiválavahkkus. Buohkat geat leat oastán festiválabileahta ožžot dieđu dán birra e-poastta bokte.