Indigenous drag excellence xxl
Nu mo namma juo muitala, de lea Indigenous Drag Excellence XXL lea máilmmidási šovva gos iešguđetlágan eamiálbmot drag artisttat dulkojit drag dáidaga. Riddu Riđđu lea čohkken njeallje rámálmas eamiálbmot drag artistta ovttasbargat ja buvttadit muitinveara čájálmasa. Artisttat leat Aunty Tamara, Feather Talia, Randy River ja Ritni Tears. Juohkehaččas lea iežas erenoamáš lahkonanvuohki dragii, mii heahpatkeahttá lea bonju ja eamiálbmot. Sii guossohit eamiálbmotčájáhusa (Indigenous drag excellence) ja váldet mielde iežaset máttuid dán ođđa muitalanvuohkái. Boađe fal vásihit vuosttaš dragčájálmasa Sámis mas leat áivve fal eamiálbmot dragartisttat.
Artisttaid birra:
Ritni Tears lea drag artistta, muitaleaddji ja all-around gay™-násti Deanus eret. Son álggahii iežas karriera Ánde Borga namain fuckboizebánddas Hot Tubas jagi 2022 Berlinas. Son lea hui ilus go viimmat máhccá ja beassá ruovttus Sámis vuosttaš geardde Sápmái čájehit dákkár erenoamáš čájálmasa!
Ritni Tears lea alter ego Máret Ásllat Ivvár Ovllá Nilla Ritni Rástii, Ritni Ráste Pieski - don deaivvat su drag king:in, vel eanet gay, exxtra ja albma násti.
Aunty Tamara lea buot oktanaga; fierce, fierrocious ja fabulous. Duohta powerhouse artista, gii albma divan ovdanbuktá soul ja RnB klassihkkáriid! Aunty viežžá inspirašuvnna iežas máttuin Aotearoas, Ođđa Zealánddas. Son atná iežas maori kultuvrra alla árvvus go čužžoda 8" allajozzagiiguin. Ráhkkan buot dovdduiguin oahpásmuvvat go vásihat DRAG x CULTure fámuid ja seaguhusa!
Randy River lea drag king Winnipegas eret, Manitobas Canadas, ja lea miellahttu Couchiching First Nation treaty 3-guovllus. Randy satiralaččat čalmmustahttá mirkkolaš maskulinitehtamii lei 1990-ja 2000-logus, ja son liiko joraštit Heely's:in gávpogis, guldalit nü metal ja iđitbiebmun válddesta Monster energiijajuhkamuša. Son lea dat eahki gean mii buohkat liikot vášuhit!
Feather Talia lea Muskowekwan First Nation čeavláivuohta. Son lea dovddus drag artistta ja iežas soga sátneguoddi. Feather, gii lea Two-Spirit, juogada iežas muitalanvearu ja suohtastallama sihke mikrofovnnain ja dan haga. Sus lea buolli dolla maid ii gal oktage sáhte jáddadit ja dánsunattáldagat leat ge dakkárat... ok. Go boađát Feather Talia čájálmassii, de vásihat čábbodaga, elegánssa, jallodaga ja buot eanemusat... somás goaski gii loaktá bures ja bargá iežas miela mielde!
Prošeaktajođiheaddji lea Sage Broomfield.
Indigenous drag excellence XXL leat dorjon Finnish Cultural Institute New Yorkas ja Finnish-Norwegian Cultural Institute oassin pARTir vuolggadeamis mii lea ruhtaduvvon European Union – NextGenerationEUas. Prošeakta lea maid ruhtaduvvon Davviriikkaid ministarráđi kultur ja dáidda prográmmain.
