Geasset 2026 leaba Hildá Länsman & Tuomas Norvio Riddu Riđđu váldolávddis! 

Hildá Länsman lea čeahpes vokalista ja ruohttasiiguin mat nannosit leat luođis (juoiganárbevieruin), son ráhkada juoidá erenoamáža mas sihke fápmu ja innovašuvdna. Ovttas suoma jietnahábmejeddjiin, komponisttain, buvttadeddjiin ja multimusihkkáriin Tuomas Norvio, váldá dát guovtti olbmo joavku du juoga áibbas eará guvlui: jietnamáilbmái gos árbevierru ja elektrovnnalaš innovašuvdna deaivvadit – ja addá gehččiide vejolašvuođa mojohallat, dánsut ja čierrut. 

Dan rájes go soai álggiiga ovttasbargat 2017:s, de leaba ovdánahttán erenoamáš musihkkagiela, ja 2025 álggus almmuheigga vuosttaš skearru ođđa sámi skearrofitnodaga Fierran Records bokte. Skearru lea juo geasuhan fuomášumi, muhto lea lávdde nalde ovdanbuktin man duođaid ferte vásihit. Lea gullostuvvon – ja mii leat ieža vásihan dan – ahte sin konsearttat leat sihke ealas ja ožžot olbmuid dánsut, ja gos improvisašuvdna seaguhuvvo ođđa elektrovnnalaš hieimmain. 

Mii diehtit ahte oallugat dis leat háliidan juste dán joavkku ruovttoluotta Riddu Riđđui – ja 2026:s dat ollašuvvá!