Inga Ravna Eira – Ii dát leat dat eana

Inga Ravna Eira, dahje Iŋgos-Máhte Iŋgá, lea Kárášjogas eret ja lea bajásšaddan boazosámebearrašis. Olles su eallinagi lea son bargan oahpaheaddjin lassin dasa vel leamašan girječálli, jorgaleaddji ja juoigi. Son lea čállán lyrihka, noveallaid ja mánáidgirjjiid davvisámegillii. Dán jagi son lea nominerejuvvon Davviriikkalaš girjjálašvuođabálkkašupmái sámegielguovllus diktamuitalusain Ii dát leat eana (2018) mas lea dálkkádatrievdadeapmi fáddán. Girjji almmuhuvvon dán jagi dárogillii dáinna namain Dette er ikke den jorda. Girjji sáttasátni nannejuvvo Mathis Nango govaiguin iešguđet alit ivdnesojuin.

Ipmil Uksáhká, dovddus hápmi dološ sámi oskkus, váldá doaivvahisvuođas oktavuođa beaivvážin, dahje eatnama mánáiguin, guhte eai šat guldal su. Son lea boahtán eatnamii, ii ge dovdda eatnama šat. Son ii leat duhtavaš maid olbmot leat dahkan luodduin ja dáid billistemiid mat leat dahkon lundui. Divttaid bokte čadnojit olbmot oktii dološ ipmiliidda. Sii geat várjaledje eatnama, olbmuid ja ieš eallima. Uksáhkká háliida vástádus eatnama mánáin maid son muitala ipmiliidda eatnama birra, dan eatnama birra maid sii guđe sidjiide áimmahuššat.

Mii deaivvadat Åud Tåga:n ja Iŋgos-Máhte Iŋggáin go soai sagastallaba diktagirjji fáttá birra ja mii beassat gullat go Iŋgá lohká osiid iežas girjjis sihke davvisámegilli ja dárogillii.