Gaskačázis lea ovttasbargu komponista ja musihkkára Markus J. Thonhaugen (iDJa) ja visuála dáiddára Eili Bråstad gaskkas. Ovttas váldiba soai gehččiid meditatiivvalaš mátkái, mas jietna ja govat suddet oktii oktan ovdanbuktimin, ja mas orgánalašvuohta deaivvada ja teknologalašvuođain. 

Dán deaivvadeamis lea maiddái prošeavtta váimmus, namalassii luonddu, álgoálbmotkultuvrra ja ođđaáiggi teknologiija gaskavuohta. Kontáktamikrofovnnaiguin ja mikroskohpaiguin vižžojuvvojit jienat ja govat mat muđui leat čihkosis midjiide, ja rahpá ođđa vugiid dáidduiguin áicat eanadagaid. 

Eanadat mii lea garra deattu vuolde. Luondu Sámis lea rievdamin olmmošlaš sisabahkkemiid geažil, ja dan duohtavuođa birra háliida Gaskačázis oččodit reflekterema. 

Dáidda čájehuvvo "live" - hámis, mas jietna ja govva reagerejit nubbi nubbái duohtaáiggis ja ráhkadit oktilaš lihkadeami. Juoiggus čatná buot oktii, improvisere das ja dalle, mii vástida dasa mii geavvá go deaivá jiena, gova - ja gehččiid. 

Prošeavtta leat Sámediggi, Kulturráđđi ja Nordlándda fylkkasuohkan dorjon. 

Dáiddáriid birra: 

Markus Johnsen Thonhaugen (iDJa) lea sámi elektrovnnalaš musihkkár, komponista ja jietnačeahppi Helgelánddas eret, ja su sohka čanastat lea Skánihii. Maŋŋil go lea studeren elektronihkalaš musihka Catalyst Instituhtas Berliinnas, de lea son hábmen vuogi mii ovttastahttá fealtabáddemiid, juoigama ja elektronihkalaš buvttadeami, ja mas álo lea sámi kultuvra ja identitehta duogážin. Son lea ráhkadan máŋga skearru ja EP skearru, ja lea čuojahan klubbain, festiválain, museain ja dáiddaásahusain Norggas ja olgoriikkas. Su ambient-EP "Šuvva" oaččui 9 árvočuoggá 10 čuoggás duiskalaš  FazeMagas, mii lea stuorimus elektrovnnalaš musihka magasiidna Duiskkas, mii lea deattuhan kontrásttaid ja su musihka geahččaladdi iešvuođaid. 

Eili Bråstad lea Sámis eret, muhto orru dál Oslos. Son bargá vuosttažettiin filmmain, videodáidagiin ja live visuals - dávjá ovttasbarggus musihkkáriiguin ja artisttaiguin. Su kveana ja sámi duogáš lea vuođđun su bargui, ja son deaivvada eksperimentála estetihkain ja bonju geahčastagain áigái, identitehtii ja lihkadeapmái. Bråstad lea oahppan govvadáiddár ja filbmarešissevra, ja sus lea BA lihkadangovvádusain Nordlándda dáidda- ja filbmaskuvllas ja MA govvadáidagis Oslo dáiddaallaskuvllas. Son lea ožžon máŋga bálkkašumi iežas barggu ovddas, earret eará sámi oanehisfilmma Skádja (2022) ovddas, mii lea čájehuvvon badjel 50 festiválas miehtá máilmmi.