Dán geasi beasat vásihit Elle Maija váldolávddis! 

Elle Maija lea davvisámi gitáračuojaheaddji ja lávlu/juoigi Kárášjogas eret, gii lea nuorravuođajagiid rájes ráhkadan luottaid sámi musihkkii. Ollugat jurddašit su sologitáračuojaheaddjin Rolffa joavkkus, muhto son lea maid ovttasbargan earret eará Mari Boiniin ja máŋga eará guovddáš sámi artisttaiguin.  

Jagi 2023 oinniimet su báitime “Stjernekamp” gilvvus, ja son lea maŋemus jagiid leamaš musihkkárin ja komponistan teáhterčájálmasas “Per Hansen – en trofast mann – Oskkaldas almmái”, man Siri Broch Johansen lea čállán ja man Hanne Tømta lea bagadallan. 

Dál lea son bargame iežas vuosttaš soloprošeavttain, mas sihke juoigá, ja lávlu davvisámegillii ja dárogillii. Son váldá luođi guossái blues, pop ja rock musihka ja hábme ovdanbuktima mii rámida goappašat árbevieruid ja hástala daid rájiid. Boađus lea erenoamáš jietnagovva mas lea ritma ja lea árjjalaš – ja mii nu illudit dánsut go Elle Maija lávke váldolávdái dál geasset!