DJ Hulluella lea gearggus laiget vuogas beatsaid Club Lávus dán jagi Riddu Riđđu festiválas.  

DJ Hulluella lea sámi DJ, artista ja buvttadeaddji guhte orru Roavvenjárggas, suomabeale Sámis. Eklektalaš ja sierralunddot jietnagovain hábme son hui eallasis kosmalaš mátkkiid dánsunláhttái, maid beaktilis perkušuvdna ja vuoibmás bássa giššuhit. Su musihkka viežžá inspirašuvnna globála jietnaduovdagis ja son gudnejahttá eatnat kultuvrraid ja nannámiid šuoŋaid. 

Maŋemus jagiid lea Hulluella guorahallan musihkkahámiid perkusiiva bass cluba, UKG, breakbeata, hardgroove ja techno siskkobealde, maidda dávjá seaguha sihke eamiálbmot- ja globálajienaid. Son lea čuojahan ollu lávddiin sisriikkalaččat ja riikkaidgaskasaččat ja earet eará festiválain nugo Márkomeanus, Frozen Peoples, Skábmagovain ja Silence Festivalas, ja maid Romssa Arctic Prides ja Londonis Planet Wax nammasaš ikonalaš skearrogávppis. 

Hulluella lea maiddái okta Roavvenjárgga Sula Kollektiivi nammasaš DJ-kollektiivva vuođđudeddjiin, ovttas Suspentiin ja Hellahighheatain. 

Club Lávvu dulde DJ Hulluellain! Gávnnadit dánsunláhttis.