Buresboahtin dáiddačájáhusa Visualizing Arctic Voices rahpamii dii. 18.00. 

Mii illudit go beassat vuosehit dáiddačájáhusa Visualizing Arctic Voices dán jagáš festiválas. Čájáhus muitala ja guorahallá Árktisis váldon govaid, ja daid bakte luottaid mat gávdnojit eamiálbmogiid biografiijain, kultuvrrain ja vásihemiin dalle go leat deaivvadan koloniála aktevrraiguin.

Govaid fáttát leat Sámi, Kalaallit Nunaat, Inuit Nunangat ja Alaska eamiálbmogat, eanadagat ja eallit, áigodagas go koloniála sisabahkken ja oktavuođat ledje lassáneamen.Govat gullet oktii dainna go dat ilbmanedje deaivvademiin olbmuid gaskkas geain ledje iežaslágan kultuvrrat ja iešguđetlágan agendat ja ipmárdusat olbmuid, elliid, luonddu ja kultuvrraid gaskavuođain.Dáiddačájáhus guorahallá govt sáhttá váldit ruovttoluotta historjjálaš govaid ja vejolaččat riggodahttit árktalaš eamiálbmogiid otnáš historjjá ja kultuvrra.

Čájáhusas don oainnát dáidagiid maid sámi dáiddárat leat dahkan, nugo Outi Pieski, Anders Sunna, Raisa Porsanger, Áillohaš/Nils Aslak Valkeapää (1943-2001) ja Aage Gaup (1943-2021), ja daidda lassin ruonáeatnálaš dáiddár Bolatta Silis-Høegh, ja sugpiat antropologa, kurator ja dáiddár Sven Haakanson.

Visualizing Arctic Voices lea ovttasbargu mas Arctic Voices-prošeakta, Riddu Riđđu Festivála, Davvi álbmogiid guovddáš ja RiddoDuottarMuseat leat mielde, ja daidda lassin lea Fridtjof Nansens Institutt dan dorjon.

Sávvat du buresboahtima mátkái Árktisa govaid bokte mat muitalit vajálduvvan ja hilgojuvvon muitalusaid gehččiide. Sávvat ahte dáiddavuosehus sáhttá vuolggahit buriid ságastallamiid ealáskahttimis, repatrieremis ja historjjá dekoloniserema vugiin.

Ieš prošektii leat addán ruđaid maiddái Norgga dutkanráđđi, Davviriikkaid kulturfoanda, Fritt Ord, NAPA – Nordisk Institutt på Grønland ja UiT Likestillings- og mangfoldsutvalget.

Rahpama maŋŋel lea vuosehus rabas bie. 20:00 rádjai, ja muđui lea vejolaš dan oaidnit duorastaga - lávvordaga bie. 10:00 – 18:00 ja sotnabeaivve 10:00 – 14:00.

Sávvat du buresboahtima mátkái Árktisa govaid bokte mat muitalit vajálduvvan ja hilgojuvvon muitalusaid gehččiide. Sávvat ahte dáiddavuosehus sáhttá vuolggahit buriid ságastallamiid ealáskahttimis, repatrieremis ja historjjá dekoloniserema vugiin.

Govva

Anders Sunna, Death Means Nothing for the Colors, 2009. Sámi Dáiddamagasiidna / Sámi Art Collections, RiddoDuottarMuseat, Kárášjohka. Photo: Håkon Holmgren Gabrielsen.

Govva

Outi Pieski, Rádje johtin I (Finnish: Rajan käynti I; English: Pacing the Borders I), 2014. Sámi Dáiddamagasiidna / Sámi Art Collections, RiddoDuottarMuseat, Kárášjohka. Photo: Håkon Holmgren Gabrielsen.

Govva