Binnáš vel! Gallii leat mii gullan dan go ráđđehus ja priváhta fitnodagat áigot hukset min eatnamiidda? Binnáš vel bieggamilluide. Binnáš vel ruvkkiide. Hihttáide, guollebiebmanrusttegiidda, elfápmolinnjáide, mátkeealáhussii, fabrihkkatrålariide. Binnáš vel. Muhto mii báhcá min eatnamis ja čáziin? Ja mii dáhpáhuvvá olbmuide?

Binnáš vel! lea dáiddačájáhus mas Sámi ja Ruonáeatnan dáiddárat. Čájáhusa fuolaheaddjit leat Gry Spein, Leif Magne Tangen ja Sandra Márjá West. Čájáhus lea ovttasbargu gaskal Riddu Riđđu, Davvi álbmogiid guovddáža, Árrana ja Nordisk kulturfond.

Čájáhus rahppo gaskavahku 13.7 dii 18.00 ja lea rabas čakčamánu 2. b. rádjái.