Uhca Makrealla guolleláddus sáhtat oaggut sihke issoras ja hearvás guliid, ja don beasat smáhket senorita Rosalita hásttaleaddji fávorihtta borramuša. Don maid beasat geahččalit Theodor-Ántte ja Áilo-Vera sámi čábbodat-buktagiid, ja muđuid searvat eará čeabetložžen stohkosiidda. Čájálmasas lea sámáiduhttin dehálaš, ja sihke Sápmi pássa ja sámi namma juhkkojuvvo oktain Riddu Riđđu - siidda boazomearkkain. Sávvat ahte buoremus sámi namma vuoittašii!