Vuosttaščájálmas-bonanza sámi vahkkus

Sámi álbmotbeaivvi ja sámi vahkku olis bovde Riddu Riđđu Festivála, Davvi álbmogiid guovddáš, Giellasiida ja Romssa ja Finnmárkku fylkkagielda girjás festiválaprográmmain Olmmáivággái. Stuora dáhpáhus prográmmas lea sámi koreográfa ja rešissevrra Elle Sofe Sara bálkkašumiid vuoiti čájálmas Vástádus eana – The answer is land. 

Jo guovvamánu 3.b. álgá sámi vahkku ávvudeapmi go fikšuvdnafilbma Ellos eatnu - La elva leve čájehuvvo. Filmma vuođđun leat duohta dáhpáhusat Áltá-akšuvnnas ja sámi vuoigatvuođaid dáistaleamis 70-logu loahpageažis. Romsalaš Ole Giæver lea rešisseren ja Ella Marie Hætta Isaksenis lea váldorolla. Filmmas lea vuosttaščájáhus kinoin miehtá riikka dien eahkeda. Ahkemearri lea 12 jagi. Gilikino vuovdá bileahtaid.

Kritikerprisen vuoiti vuosihuvvo vuosttaš geardde Davvi-Romssas

Ávvudeapmi loahpahuvvo vuorddálmasain, Vástádus eana – The answer is land dánsunčájálmasain. Čájálmas lea árvofámolaš kritikerprisen vuoiti ja vuosihuvvo vuosttaš geardde Davvi-Romssas dán eahkeda. Guovddáš fáttát Vástádus eana čájálmasas leat searvevuohta ja fuolkevuohta olbmuid gaskkas, luondduin ja eatnamiin maid mii buohkat juogadit. Koreografiija lea oaiváduvvon miellačájáhusain, sámi vuoiŋŋalaš meanuin ja formašuvdnadánsumis. Guoddi elemeanta čájálmasas lea máŋggajienat juoigan maid komponista ja juoigama professor Frode Fjellheim lea erenoamážit čállán čájálmassii.  

Davvi álbmogiid guovddáža beaivválaš jođiheaddji, Svein O. Leiros, ja Sajje Solbakk, Riddu Riđđu Festivála festiválajođiheaddji, leaba čeavlát prográmmain:

- Sámi vahkku ja sámi álbmotbeaivvi ávvudeapmi leat dehálaš dáhpáhusat midjiide. Mii leat čeavlát go sáhttit fállat ávvoprográmma maid sávvat heive sihke stuorráide ja unniide. Dán jagi leat erenoamáš movttegat go beassat bovdet kinofilmma Ellos eatnu – La elva leve vuosttaš čájáhussii ja go Elle Sofe Sara bálkkašumiid vuoiti dánsunčájálmas Vástádus eana – The answer is land vuosttaščájáhus Davvi-Romssa lea Olmmáivákkis jur guovvamánu 6. beaivvi. Dat šaddá hirbmat somá ja mii illudit uvssaid rahpat! 

Čájálmas lea nuvttá, muhto gáibiduvvo bileahtta maid viežžá ovdagihtii. Ráddjejuvvon bileahttalohku.

Prográmma:

BEARJADAT GUOVVAMÁNU 3.B
Bie. 17:00 Filbmačajáhus: Olbmot, rievvárat ja Kardemomme-gávpot - Sámegillii. Oastte bileahtaid DÁS.
Bie. 19:00 Vuosttaščajáhus: Ellos eatnu – La elva leve. Oastte bileahtaid DÁS.
Bie. 21:00 Quiz`a Davás olgobáikkis.

MÁNNODAT GUOVVAMÁNU 6.B
Bie. 10:00 Leavgageassin 
Bie. 11:00 Muitalusboddi Beaska Niillasiin ja filbma. Gáivuona suohkana nuoraidaskuvlaohppiide.
Bie. 14:00 Rabas gáfedat. Mii vuovdit biđđosa, guopparmállása, gáfe ja gáhkuid.
Bie. 17:00 Sáhkavuorru
Bie. 17:15 Čájáhusrahppan: Dekoloniseren ja revitaliseren Sámis. Ola Røe govat 1979-2019. 
Bie. 18:30 Vástádus eana – The answer is land. Nuvttá, muhto billeahtta ferte várrejuvvot ovdagiiti. Loga eanet DÁS.

DISTAT GUOVVAMÁNU 7.B
Bie. 10:00-15:00 Čájáhus: Dekoloniseren ja revitaliseren Sámis. Ola Røe govat 1979-2019. 
Bie. 10:00 Doaimmat Gáivuona suohkana ohppiide gaskal 1. Ja 7. Luohká. 

GASKAVAHKKU GUOVVAMÁNU 8.B
Bie 10:00-15:00 Čájáhus: Dekoloniseren ja revitaliseren Sámis. Ola Røe govat 1979-2019. 
Bie 11:00 Doaimmat Gáivuona suohkana mánáidgárdemánáide.
Bie 19:00 Teaterčajálmas Beaivváš Sámi Našunálateáhtera bihtáin  “Bohtos dál dat beana” man Jo Fosse lea bagádan. Oastte bileahtaid DÁS.

DUORASTAGA GUOVVAMÁNU 9.B
Bie 10:00-15:00  Čájáhus: Dekoloniseren ja revitaliseren Sámis. Ola Røe govat 1979-2019. 
Bie 18:00 Webinára: Internáhttaeallin – Earenoamaš muitalus Finnmárkku skuvlainternáhtaid birra. Logaldallin lea Ingjerd Tjelle. Logaldallan streamejuvvo Olmmaivákki girjerádjosii.
Bie. 19:00 Rabas kafea Verddesiiddas odne duorastaga guovvamánu 9.b lea lea šluhttejuvvon buozalmasvuođa geažil.