Rabas evttohit Buošši-bálkkašupmái 2025
Riddu Riđđu festivála ja Davvi Álbmogiid Guovddáš geigejit Buošši bálkkašumi dán jagáš Riddu Riđđu festiválas. Buošši-bálkkašupmi lea kulturbálkkašupmi mii geigejuvvo ovttaskas olbmuide, joavkkuide dahje servviide geat leat positiivvalaččat áŋgiruššan čalmmustahttit mearrasámi giela ja kultuvrra; juogo sin daguid bokte dahje go leat ovdagovvan.
Mii leat dál ohcamin evttohusaid bálkkašumi oažžuide. Olmmoš dahje olbmuin fertejit leat čanastagat Davvi-Romsii: Gáivutnii, Omasvutnii, Ivgui, Ráisii, Návutnii dahje Karlsøyii.
Riddu Riđđu festivála festiválajođiheaddji Sajje Solbakk ávžžuha olbmuid sáddet evttohusaid:
“Buošši-bálkkašupmi lea min iežamet loktema birra. Dovddat go du gilis muhtin berošteaddji guhte áŋgiruššá seailluhit mearrasámi kultuvrra? Bálkkašupmi geigejuvvo njealját geardde – ja mii dárbbašit du nominašuvnna!”
Davvi Álbmogiid Guovddáža beaivvalašjođiheaddji Svein O. Leiros mielas lea bálkkašupmi dehálaš geassit:
“Min mielas lea dehálaš juohkit dán bálkkašumi buollisearraide geat loktejit ja čalmmustahttit mearrasámi kultuvrra regiovnnas. Sin áŋgirruššama mearrasámi kultuvrii mearkkaša hui ollu buohkaide. Sávvámis bohtet máŋga nominašuvnnat dán jagi maid!”
Bálkkašupmi geigejuvvo jahkásaččat Riddu Riđđu festiválas, ja vuoiti oažžu 10.000 ruvnno.
Evttohusat ja vuođuštusat galget sáddejuvvot čujuhussii [email protected] ovdal geassemánu 17. beaivvi 2025.
Lea stuorra gudni juohkit dákkár bálkkašumi. Golmma jagi áigge leat mii juohkán bálkkašumi árvvolaš vuoitiide geat leat ožžon stuora fuomášumi iežaset positiiva áŋgiruššama mearrasámi giela ja kultuvrra ovddas.
Ovddeš vuoitit:
2022: Bjørg Fossli
2023: Ruth ja Per Larsen
2024: Hege Renate Nilsen