Pop, luohti ja humor skábmaseavdnjadis
Riddu Riđđu skábmaprográmma:
Atmosfearalaš pop Katarina Barrukain
Katarina Barruk lea šaddan dovddusin go ráhkada musihka mas seaguha jazz, pop ja árbevirolaš luođi, ja mas leat teavsttat mat leat čállon ja ovdanbuktojuvvojit áitojuvvon gillii ubmisámegillii. Son beaggá čuohcat guldaleddjiide iežas geasuheaddji musihkain ja nana vuoiŋŋain lávddi alde. Dán skápma lea Barrukas olles čuojahanjoavku mielde go boahtá Olmmáivággái ja Davviálbmogiid guovddážii.
Goas: Skábmamánu 30. b. dii. 20:00.
Gos: Davviálbmogiid guovddážis, Olmmáivákkis
Ahkemearri 18 jagi. Bileahttahaddi 250 ru. Oastte DÁPPE.
Sámi stand-up Reaškasiin
Reaškkas lea stand-up-prošeakta man Riddu Riđđu lea ovdánahttán mas leat oasseváldit iešguđetge báikkiin Sámis. Sátni Reaškkas jo muitala makkár vuordámušat guldaleddjiin sáhttet leat. Dán eahkeda čuožžilit Isalill Kolpus, Ánne Márjá Guttorm Graven, Ánte Siri ja Åse Vuolab lávddi ala.
Goas: Lávvardaga juovlamánu 4. b. dii 20:00.
Gos: Amtmandens Eftf, Romssas.
Ahkemearri 18 jagi. Bileahttahaddi 220 ru. Oastte DÁPPE.
Juovlakonsearta Kajsa Baltoin
Kajsa Balto beaggá njuorasmahttit guldaleddjiid hirpmahuhtti jietnageavahemiin ja nana gaskkustanattáldagain. Dát sámi artista čuojahii rámiiduvvon konseartta Riddu Riđđu festiválas mannan geasi, ja dál son lea áigeguovdil juovlaálbumiin "Sámi juovllat". Almmuheamis leat lotnolassii árbevirolaš juovlasálmmat ja lávlagat maid ieš lea čállán - buot davvisámegillii.
Goas: Juovlamánu 14. b. dii 19:30.
Gos: Davviálbmogiid guovddážis, Olmmáivákkis
Ahkemearri 18 jagi. Bileahttahaddi 250 ru. Oastte DÁPPE.
Sáhttá oastit bileahtaid Riddu Riđđu Festivála 2022:i DÁPPE.