Mii ohcat prošeaktajođiheaddji

Prošeaktajođiheaddji (guovttejahkásaš virgi mii sáhttá guhkiduvvot) galgá lagas ovttasbarggus dáiddalaš jođiheddjiin ja muđuige hálddahusain plánet ja čađahit Riddu Riđđu Festivála prográmmaosiid ja prošeaktaáŋgiruššamiid.  

Virggis lea erenoamáš ovddasvástádus festivála internašunaliserenbarggus ja mánáid- ja nuoraidáŋgiruššamiin. Das čuovvu earet eará ovddasvástádus festivála delegáhttaprográmmas, Riddu Nuorat, Mánáidfestivála ja Jagi davvi álbmot nammasaš prográmmaosiin.   

Bargun lea earet eará prográmmaovdánahttin ja festivála iešguđet prošeavttaid plánen, ohcamuščállin ja raporteren, lágidanteknihkalaš čađaheapmi doaimmain, booken/šiehtadusdahkan oassálastiiguin ja logistihka ja geavatlaš dárbbuid koordineren.  

Lassin doaimmaide mat leat čadnon Riddu Riđđu festiválaprográmmii galgá virggis maiddái leat ovddasvástádus iešguđetlágan doaimmaid čađaheamis birra jagi, sihke riikkas ja olgoriikkas. 

Riddu Riđđu Festivála lea riikkaidgaskasaš eamiálbmotfestivála, mii jahkásaččat lágiduvvo Gáivuona suohkanis, Davvi-Romssas. Riddu Riđđu lea 32 jagi áigges áŋgiruššan nannet diđolašvuođa ja čeavlli sámevuođas. Festivála lea dađistaga sturron, ja šaddan mearkkašahtti ja dehálaš oassin sámi kulturhuksemis mearrasámi guovlluin. Festiválas lea dál stáhtus njunuš riikkaidgaskasaš  eamiálbmotfestiválan. Festivála guovddášárvvuid mielde dat galgá leat: fátmmasteaddji, hutkkálaš, diđolaš ja lunddolaš ja das galgá leat báikkálaš čanastupmi ja globálalaš geahččanguovlu. Festivála lágiduvvo olgoáimmus, ja prográmmafálaldagat leat buot ahkásaččaide.   
 

Mii fállat ulbmillaš, gelddolaš ja girjás barggu mas leat ollu vejolašvuođat ja ollu iešheanalašvuohta. Don šattat oassin hávskás ja árjjalaš bargobirrasis mas lea buorre servvoštallanvuoigŋa.  

Bargobáiki: Davvi álbmogiid guovddáš/Senter for Nordlige Folk, Gáivuona suohkan/Kåfjord kommune, Davvi-Romsa. 

Mii ohcat du guhte leat 

• áŋgir ja ealljár, ja geas leat ollu bargonávccat
• struktuvrralaš ja kvalitehtadiđolaš
• searvválaš ja oktavuođaid ohcaleaddji
• positiivvalaš ja oadjebas jođiheaddji ja bargoguoibmi 

geas lea 

• čehppodat ja hállu oassálastit festivála ovdánahttimii, ja
• buorre čálalaš ja njálmmálaš dáro- ja eŋgelasgielaid máhttu. 

Ovdun lea maid juos dus lea 

• sámegielmáhttu
• sámi dáidda- ja kulturfágalaš čehppodat, ja maid máhttu máilmmi eamiálbmogiid kultuvrrain čanastupmi Sápmái, ja maid sámi fierpmádat
• vásáhusat eaktodáhtolašbargguin ja eaktodáhtolaččaid jođiheamis 

Guovddáš ovddasvástádussuorggit leat: 

• Koordineret ja plánet iešguđet prográmmasurggiid festivála áiggi ja birra jagi 

• Ohcamuščállin ja raporteren 

• Ráhkadit šiehtadusaid oassálastiiguin ja koordineret logistihka ja geavatlaš dárbbuid 

• Lágidanteknihkalaš plánen ja čađaheapmi 

• Ráhkadit ja bidjat johtui buvttadanplánaid 

• Rekrutteret ja jođihit festiválaloahpaheami bargiidjoavkku 

• Leat oktavuođaolmmožin ja oktiiheiveheaddjin festivála arenaide ja festivála eará bargojoavkkuide 

Mátkkošteapmi ja eahket- ja vahkkoloahpabargan lea vuordimis. Virgi raportere festiválajođiheaddjái/beaivválaš jođiheaddjái. Álgin lea farggamusat. 

Mii fállat: 

• Fágalaš hástalusaid ja ovdánanvejolašvuođaid hutkás ja hávskkes bargobirrasis
• Bálká sohppojuvvo
• Máksovuđot penšuvdnaortnega  

Finnmárkku ja Davvi-Romssa doaibmaavádaga ekonomalaš ovdduid, omd. oahppoloana geahpedeapmi. Loga eanet dáppe: www.finnmarkognordtroms.no 

Sádde oanehis ohcamuša ja CV čujuhussii [email protected] maŋimustá 19.04.26 

Juos siđat eanet dieđuid de váldde oktavuođa Riddu Riđđu festivála AS festiválajođiheaddjái, Sajje Solbakkii [email protected], tel. 46950573, dahje Riddu Riđđu festivála AS beaivválaš jođiheaddjái, Frode Olsenii,  [email protected] , tel. 90775219.