Mii ohcat báikekoordináhtora!
Leat go čeahppi praktihkalaš bargguin, dakkár gii oainnát čovdosiid ja buorre bargojođiheaddji?
De soaitit juste dutnje sávvat bures boahtima min ođđa báikekoordináhtorin/ceggenovddasvástideaddjin!
Festivála ovdal lea dus, báikekoordináhtorin, ovddasvástádus áimmahuššat festivála guovllu ja min bistevaš infrastruktuvrra, ja maid plánet ja koordineret láigohuvvon infrastruktuvrra vuostáiváldima.
Festiválii ráhkkanettiin lea dus ovddasvástádus tealttáid, áiddiid ja iežá gaskaboddosaš infrastruktuvrraid ceggemis. Don galggat maid leat bargojođiheaddjin festivála báikebargiide ja vehkiide ceggendoaimmaid oktavuođas.
Festiválavahkku lea dus ovddasvástádus ráhkadit váktaplánaid ja juohkit ovddasvástádusaid du báikebargiide, vai váfistit čuovvuleami, ráđđeaddima ja dárbbašlaš divodemiid dađistaga festiválaáiggis.
Maŋŋel festivála lea áigi njeaidit, ja dalle lea dus sierra bargojođiheaddji gean don veahkehat njeaidima oktavuođas ja láigohuvvon infrastruktuvrra ja biergasiid máhcaheami koordineremis.
Don barggat čađat lagas oktavuođas beaivválaš jođiheddjiin ja buvttadeddjiin, ja maiddái muđuige hálddahusain.
Mii háliidit soapmása gii sáhttá bargat unnimusat geassemánu 30. beaivvis gitta suoidnemánu 20. beaivái, muhto jus sáhtát álgit ovtta dahje guokte vahkku ovdal, de lea dat hui buorre.
Dus galgá leat vuodjinkoarta mas lea B luohkká dohkkehuvvon.
Bálká šiehtadusa vuođul.
Bargobáiki lea Riddu Riđđu festiválaguovlu Olmmáivákkis.
Jáhkát go dá livččii juoga mii dutnje heive, dahje leat go dus jearaldagat? Váldde oktavuođa: [email protected].
