Mii ohcá gulahallanovddasvástideaddji!
Riddu Riđđu Festivála ohcá hutkás ja strategalaččat nanu gulahallanovddasvástideaddji!
Háliidat go leat mielde lokteme ovtta máilmmi deháleamos álgoálbmotfestiválain áŋgiris muitalusgaskkusteami, visuála ovdanbuktima ja ulbmilnjulgejuvvon digitála gulahallama bokte? Mii ohcat du gii leat áŋgiris gaskkusteaddji ja gii áiggut searvat oažžut Riddu Riđđu oidnosii ja relevántan birra jagi.
Riddu Riđđu festivála lea riikkaidgaskasaš álgoálbmotfestivála mii jahkásaččat lágiduvvo Gáivuonas Davvi-Romssas Norggas. Riddu Riđđu lea eambbo go 30 jagi huksen nana dihtomielalašvuođa sámi kultuvrra hárrái. Dađistaga lea festivála sturron ja lea arvá stuora oassi sámi kulturealáskahttimis mearrasámi guovlluin. Riddu Riđđu Festivála AS (RRFAS) vuođđuduvvui guovvamánu 2010. Festivála lea dáidda dáfus njunnošis sámiid ja álgoálbmogiid dáidda- ja kulturovdanbuktimiin. Festiválas lea prográmmas fálaldat olles bearrašii ja lea fátmmastahtti, hutkái, diehtomielalaš ja lunddolaš, báikkálaččat ásahuvvon, muhto geahčastat olles máilbmái.
Virggi birra
Gulahallanovddasvástideaddjin lea du ovddasvástádus operašunaliseret festivála gulahallanbarggu – sisdoallobuvttadeami ja preassabarggu rájes min digitála eallima ovdánahttima rádjái. Don barggat lahka festiválajođiheddjiiguin ja searvvat gaskkustit min dáiddalaš, kultuvrralaš ja servodatlaš sisdoalu gehččiide, guldaleddjiide, lohkkiide, pressii ja ovttasbargoguimmiide. Virgi lea 100% bistevaš virgi.
Barggut
- Operašunaliseret ja čađahit festivála gulahallan- ja márkanastindoaimmaid daid strategiijaid vuođul mat leat mearriduvvon ovttasráđiid jođihangottiin.
- Buvttadit sisdoalu (teavsttaid, govaid, filmmaid) sosiála mediaide, neahttasiidui, pressii ja eará kanálaide
- Almmuhit sisdoalu ja čuovvolit gulahallama festivála digitála kanálain
- Searvat viidásitovdánahttit ja vuhtiiváldit festivála visuála profiilla ovttasbarggu festiválahoavddain ja olggobeal hábmejeddjiiguin
- Buvttadit ja ođasmahttit sisdoalu www.riddu.no siiddus
- Searvat siskkáldas gulahallamii ja eaktodáhtolaš bargiid čuovvoleapmái
- Searvat buori siskkáldas gulahallamii hálddahusas ja eaktodáhtolaš bargoveagas, ja sihkkarastit čađaáiggi gulahallama eaktodáhtolaš bargiiguin birra jagi
- Čađahit márkandoaimmaid, kampánjjaid ja almmuheami plánejuvvon strategiija mielde
- Geavatlaš ovddasvástádus koordineret govven- ja filbmentiima ovdal festivála ja festivála botta
- Gulahallat relevánta ovttasbargoguimmiiguin ja lágideddjiiguin gulahallansuorggi siskkobealde
- Váldoovddasvástádus bargguin mat gusket gulahallansuorgái festivála čađaheami oktavuođas
- Searvat hálddahuslaš bargguide mat gusket gulahallanbargui (álkes bušeahttačuovvoleamit, diŋgojumit ja duođaštusat)
Sávvojuvvon gelbbolašvuohta
- Oahppu ja/dahje hárjáneapmi gulahallansuorggis, mediain, márkanastin dahje sullasaš
- Buorre čálalaš ja njálmmálaš dárogiel ja eŋgelasgiel máhttu. Stuora ovdamunni go máhttá sámegiela.
- Hárjáneapmi buvttadit sisdoalu (teavstta, govaid, filmmaid)
- Buorre digitála ipmárdus ja vásáhus bargat sosiála mediain
- Dovdá Microsoft 365, Canva ja almmuhanreaidduid
- Gálgga bargat sihke strategalaččat ja operatiivvalaččat
- Hutkái, ealljár ja struktuvrralaš
- Čeahppi ovttasbargat ja liikot dynámalaš birrasis bargat
Mii fállat:
- Hutkás ja sosiála bargobirrasa
- Ollu iešguđetlágan bargguid main lea ulbmil
- Buori vejolašvuođaid fágalaš ja persovnnalaš ovdáneapmái
- Buori penšunortnegiid ja ekonomalaš ovdamuniid Finnmárkku ja Davvi-Romssa doaibmaguovllus
- Kánturbáikki Davvi Álbmogiid guovddážis Olmmáivákkis
- Riggodahtti vejolašvuođa searvat mearrasámi/sámi kultuvrra ovdánahttimii, ja searvat kultuvrralaš vásáhussii ahte lágidit riikkaidgaskasaš álgoálbmotfestivála
Álgin: Farggamusat.
Ohcanáigemearri: Ođđajagimánu 15. beaivi 2026
Bálká: šiehtadusa mielde.
Sádde ohcama oktan CV: [email protected] merkejuvvon “Ohcan virgái gulahallanovddasvástideaddji”.
Jearaldagaid virggi birra njulge beaivválaš jođiheaddjái, Henrik Olsen, čáles e-boastta [email protected] dahje riŋges 90775219.