Mihtilmas oaidnaleapmi Down Under!
Viimmatge boahtá Yothu Yindi ruovttoluotta Riddu guolbanii! Dán vuoru sis leat mielde sin mánáidmánát geat duođaige leat áimmahuššan sin musihka ruohttasiid ja vuođđudan Austráliai ođđa álgoálbmotnuoraidbánda; East Journey!
«Mii leat hui ilus go beassat ohpihii čuojahit Riddu Riđđu festiválas ja oaidnit fas dan seammá searalašvuođa ja dovdduid, maid vásiheimmet dalle go ovddit háve leimmet dieppe čuojaheamen. Mii leat hui rámis das go beassat buktit mánáidmánáideamet East Journey Riddu álbmoga oidnosii» muitala Yothu Yindi min festivála jođiheaddjái Karoline Trollvikii.
Yothu Yindi lea eanemus dovddus álgoálbmotbánda Austrálias goassege, ja bánda fidnii áigái almmi rádjái skájadeaddji dovdamušaid min festivála gussiid gaskkas dalle go sii čuojahedje Riddu Riđđus 2001. Dán jagáš festivála ná váldá mielde boahtte sohkabuolvva, geaidda einnostit seammá čuvges karriéra go sin oahpaheddjiinge Yothu Yindi s lea.
Bándat leat 2015 almmuhan EP-skearru « The Genesis Project» ovttas. Oktasašbargoprošeakta symbolisere sin sohkabuolvvaid molsašumi ja East Journey mátkki viidáseappot kultuvrralaš ja vuoiŋŋalaš gaskaoapmin sin álbmoga árbevieruin. «Bánda lahtut leat Yolngu čearda, geat gullet oalle árbevirolaš guvlui, Arnhem-eatnamii Australia davvenuortin. Álgoálbmogiid dilli Austrálias lea hui váttis, ja Yolngu čearda lea doaibman aktiivvalaččat politihkalaš dáistaleamis sin eatnamiid ja vuoigatvuođaid ovdii. Báikkálaš álgoálbmotservodat bargá áŋgiruššá sin rivttiid ovdii joatkit eallit árbevirolaš guovlluin daningo stáhta dávjá prioritere eatnamiid eananriggodagaid ávkkástalliide. Dát lea deháleamos áiggeguovdilis áššiid álgoálbmogiidda miehtá máilmmi, maiddái Sámis.», dadjá festivála jođiheaddji Karoline Trollvik.
Trollvik dadjá vel; «Dát lea hui alla olahus midjiide ja dieđán ahte hui máŋgasat bohtet illudit ja atnet árvvus Riddu Riđđu dán dihte! Mun dieđan maid ahte Riddu-bargit fidnejedje hui erenoamáš oktavuođa Yothu Yindi -joavkkuin ovddit háve go sii ledje dáppe, nuba dál šaddáge máŋgasii mihtilmas oahppásiid deaivvadeapmi. Buohkat geat beroštit vásihit rámiduvvon austrálialaš kulturfievrrideddjiid geat čuojahit Yidaki didgeridoo ja rock vildasit oktanis šuokŋan, de dál gal fertet sihkkarastit alccet bileahtaid dán jagáš Riddu Riđđui! »