Mihkkal Hætta lea fárren Stuorradikki olggobeallái

Odne leat 700 beaivvi vássán dan rájes go alimusriekti celkkii ahte konsešuvdna bieggafápmorusttegiidda Fosenis rihkku olmmošvuoigatvuođaid. ⁠

Mihkkal Hætta nammaduvvui Riddu Riđđu nuorra dáiddárin dán jagi. Otne son fárrii Stuorradikki olggobeallái vuosttildan dihtii stáhta. Min váimmut vardet go min nuorat fertejit návccaid geavahit stáhta ožžodit čuovvut iežas alimusrievtti duomu. ⁠

Mii Riddu Riđđus doarjut Mihkkala ja gáibidat ahte stáhta váldá min álbmoga vuoigatvuođaid duođas. ⁠