Measttirlaš biebmu

Dán jagige lea Riddu Riđđu dan lihkolaš dilis ahte Romssa Goahkkameaštáriid Ovttastus (KMT) fuolaha biebmoguossoheamis festivála áigge. Váldde mielde buori áppetihttá dasgo biebmolistu bohčása badjel!

Romssa Goahkkameaštáriid Ovttastussii gullet oahppan koahkat miehtá fylkka iešguđet agis. Dat lea eaktodáhtolaš searvi man váldoulbmilin lea ovddidit koahkkadáiddu. – Mii áŋgiruššat rekruteret olbmuid iežamet ámmáhii seammás go bargat aktiivvalaččat nuoraiguin ja oahpahalliiguin huksen dihte fierpmádaga, ja bajidit iežamet miellahtuid koahkkamáhtu. Mii bargat maid ovddidan dihte gait daid ávdnasiid geavaheami, maid iežamet eananoasi rikkis biebmokámmir sáhttá fállat, muitala Jørn-Eirik Johnsen, guhte lea okta meašttirkoahkain.

Romssa Goahkkameaštáriid Ovttastus váldá iešguđetlágan bargguid lágideddjiin ja fitnodagain, mat sihtet ovddidit báikkálaš ávdnasiid geavaheami, sihke árbevirolaččat go maid internašunála vugiiguin ja kombinašuvnnaiguin. Nappo dakkár mii heive aiddo fal Riddu Riđđui.

- Riddu Riđus áigu Romssa Goahkkameaštáriid Ovttastus vuoruhit báikkálaš davviromsalaš biebmoávdnasiid juos dat fal ležžet háhkamis, ja maid deattuhit lunddolašvuođa ja árbevieruid. Festivála áigge mii fállat maid biepmuid, main mii váldit vuhtii sierralágan biebmoallergiijaid ja intolereanssaid. Mii čuovvut dieđusge maid Riddu Riđu njuolggadusaid biepmuid ráinnasvuođa ektui, ja maid birrasa ektui, dadjá Jørn-Eirik, guhte lea okta sullii 20 koahkas, geat galget málestit festiválagussiide. Lehpet buorit!