Máŋga beaivvi álbmotbeaivvi doalut Olmmáivákkis
Guovvamánu 4. beaivvis gitta 6. beaivái bovde Riddu Riđđu ovttas Davviálbmogiid guovddážiin, Davvi-Romssa museain, Giellasiiddain ja Ivgu Sámeservviin álbmotbeaivvi ávvudeapmái Davviálbmogiid guovddážii. Doppe lea oanehisfilbmaprográmma, konsearttat ja guolástanhistorjjá čájáhus.
Mii álgit disttaga guovvamánu 4. beaivvi diibmu 18:00 čájehit golbma oanehisfilmma, Hvor ble det av ferga mi?, Red-Shaded Green ja Áhčči – han pappa, maid sámi rešissevra Johannes Vang lea ráhkadan. Rešissevra lea ieš álggaheame čájeheami.
Gaskavahkku guovvamánu 5. b. diibmu 20:00 lea konsearta Arvvas joavkkuin. Arvvas joavkkus leaba sámi juoigi Sara Marielle Gaup ja norgalaš bassista ja lávu Steinar Raknes. Arvvas seaguha juoigama ja Americana musihkastis, ja ovttas ráhkadeaba erenoamáš musihkalaš univearssa.
Duorastaga guovvamánu 6. beaivvi álggahit levgemiin diibmu 10:00 Davvi álbmogiid guovddážis.
Diibmu 15:00 rájes lea Davvi álbmogiid guovddáža gáfedat rabas, ja diibmu 17:00 beasat gullat beaivvi sáhkavuoru maid doallá Sámedikkeráđđi Runar Myrnes Balto, ja konsearttaža Kåfjordkoret lávlunjoavkkuin, ja konseartta Skárfvággilaččain Elina Ijäsiin.
Litna ja ekspressiiva jienainis Elina Ijäs gaskkusta rehálaš ja hearkkes teavsttaid davvisámegillii. Musihkas bokte son govvida eallinvásáhusaid ja ráhkada introspektiiva atmosfeara mii guoskkaha ja hástala, beroškeahttá giellaerohusaid.
Vaikko Elina Ijäs lea nuorra, de lea son lávlon ollu sihke Sámis ja olgomáilmmis, ja sus leat máŋga musihkkaalmmuhusa soloartistan ja ovttas eará sámi artisttaiguin. Maŋemus lea son lávlon Riddu Riđu váldolávddis sihke Mannein ja Emil Kárlseniin.
Konsearta lea nuvttá ja rabas buohkaide!
Olles vahkku sáhtát maiddái mannat geahččame čájáhusa Maskebett og nål mii lea Davvi-Romssa guolástanhistorjjá birra.
Buot lágideamit lea Davviálbmogiid guovddážis.
Dasa lassin lea johtá girjebusse dán vahkku ja lágida muitalusbottuid Ráissas, Ivggus, Skiervvás, Gáivuonas ja Omasvuonas, ja vahkku loahpahit Felgen Orkesteriin guovvamánu 7. beaivvi Olmmáivákkis Davás báikkis.
Mii illudit ávvudit álbmotbeaivvi ovttas duinna!
