Leat go don NANU – Sámi Arts International AS boahttevaš direktevra?
Mii leat viimmat gárvá virgádit vuosttaš direktevrra NANU - Sámi Arts Internationalii.
Direktevra – NANU – Sámi Arts International AS
Bargobáiki: Olles Sápmi kánturbáikkiin Romssas - mátkedoaimmaiguin
Virgi: Prošeaktavirgádeapmi 2 jahkái vejolašvuođain oažžut bistevaš virggi, 100 %.
Ohcanáigemearri: Njukčamánu 15. b. 2026
Álgin: farggamusat.
NANU – Sámi Arts International AS birra
NANU lea ođđa sámi dáiddarasttildeaddji eksportakantuvra dáidaga ja kultuvrra váste, ásahuvvon nanusmahttit sámi dáiddáriid, artisttaid ja kulturoasálaččaid oinnolašvuođa, márkanvejolašvuođaid ja árvolassáneami. Mii čohkket fierpmádagaid, gelbbolašvuođa ja bálvalusaid mat dahket álkibun olahit olggos – sámi eavttuid vuođul. NANU bargá dáidaga ja ealáhusa russenčuoggás, ja hukse bargoguoibmevuođaid festiválaiguin, suorgeaktevrraiguin, ásahusaiguin ja márkaniiguin birra máilmmi. Eksportakantuvra bargá rájiid rastá ja galgá ovddastit dáiddáriid miehtá Sámi.
Rolla birra
Direktevran lea dus bajimus ovddasvástádus ovdánahttit ja jođihit NANU álggahan- ja ceahkkálastindásis. Don hukset organisašuvnna, bijat háltti ja buvttát bohtosiid lagas gulahallamiin stivrrain, sámi dáiddabirrasiiguin ja sisriikkalaš ja riikkaidgaskasaš ovttasbargoguimmiiguin.
Du váldobarggut
- Ovdánahttit ja čađahit NANU strategiija, bálvalusfálaldagaid ja jahkeplánaid.
- Jođihit organisašuvnna doaimmaid dáfus ja fágalaččat; rekrutteret ja ovdánahttit unna, hui doaimmalaš bargojoavkku ja relevánta ráđđeaddifierpmádaga.
- Ásahit ja hálddašit riikkaidgaskasaš bargoguoibmevuođaid, šiehtadusaid ja vuovdin-/distribušuvdnajođuid sámi dáidaga ja kultuvrra váste.
- Sihkkarastit ruhtadeami ja ceavzilis doaimma (almmolaš doarjagiid, prošeaktaruđaid, bargoguoibmevuođaid ja iežas boađu).
- Hukset NANU mearkagálvvu ja oinnolašvuođa; ovddasteapmi suorgebirrasiin, márkanastindoaluin ja sáttagottiin.
- Ovdánahttit buriid stivren- ja kvalitehtavuogádagaid (ekonomiija, raporteren, HR, GDPR, riskastivren).
- Sihkkarastit ahte doaibma lea fakkastuvvon sámi árvvuide, sámegillii ja sámi vuoigatvuođaide, ja ahte eamiálbmotfágalaš geahččanguovlu lea vuođđun buot doaimmain.
Kvalifikašuvnnat
- Nanu jođihanhárjáneapmi duođaštuvvon bohtosiiguin - áinnas kultur-/hutkás ealáhusas, eksporta-/suorgeorganisašuvnnas, riikkaidgaskasaš kulturdoaimmas.
- Vásáhusat riikkaidgaskasaš márkanovddideamis, vuovdimis/distribušuvnnas, festivála-/ásahusovttasbarggus dahje eksportaovddideames leat ovdun.
- Buorre ipmárdus dáiddasuorggi ekovuogádagas.
- Oadjebas ekonomiija- ja doaibmastivren; bušeahtta, ruhtadanmodeallat, šiehtadusat ja raporteren.
- Hui buorre giellamáhttu dárogielas ja eaŋgalsgielas. Sámegielmáhttu lea stuora ovdun.
- Máhttu eamiálbmotvuoigatvuođain ja áššáigullevaš rámmavuogádagas lea dárbbašlaš.
Persovnnalaš iešvuođat
- Strategalaš ja čađaheaddji - ovttastahtát višuvnnaid operatiiva dárkilvuođain.
- Oktavuođahuksejeaddji buriin kulturipmárdusain ja dáidduin duddjot luohttámuša gielaid, riikkaid ja fágabirrasiid rastá.
- Kommersiealla jurddašanvuohki ja váibmu dáiddalaš integritehtii ja sámi geahččanguovlluide.
- Strukturerejuvvon, čielga ja fátmmasteaddji jođihanvuohki
Mii fállat
- Guovddášrolla ásahit ja hábmet nationála/riikkaidgaskasaš gealbobirrasa sámi dáidaga váste.
- Mávssolaš barggu mas leat stuora váikkuhusat dáiddáriidda ja kulturoasálaččaide Sámis.
- Gilvovuoimmálaš eavttut šiehtadusa vuođul.
- Bargobáiki Romssas. Riikkaidgaskasaš mátkedoaimmat čuvvot maiddái.
- Bálká šiehtadusa vuođul.
Máŋggabealatvuohta ja ovttalágan vejolašvuođat
NANU ohcá ohcciid geain lea sámi giella- ja kulturmáhttu, ja ávžžuha erenoamážit olbmuid geain lea sámi duogáš ohcat. Mii deattuhit máŋggabealatvuođa viiddis ipmárdusas, ja heivehit go lea dárbu.
Ohcamuš Sádde ohcamuša oktan CV:in dása: [email protected]. Referánssat jerrojuvvojit jus lea dárbu. Jus leat jearaldagat virggi birra, de váldde oktavuođa prošeaktajođiheddjiin Maria Utsiin tlf. +4798255600 dahje šleađgaboasttain: [email protected].