Gabba bohtet Riddu Riđđui dán geasi
Juoiganmeašttir ja ovdaolmmoš John André Eira buktá máttuidis árbbi ja originála bihttáid go Gabba-joavku boahtá Riddu Riđđui dán geasi. Publika besset maid vásihit oasáža geasi konsearttas go Gabba čuojahit trio-konseartta Riddu Riđđu kick-offas Amtmandenis Romssas Miessemánu 10. B.
Gabba lea sámi joavku geat seaguhit árbevirolaš luođi dáža álbmotmusihkain, americanain ja eará máilmmimusihkain. Sin musihka sáhttá čilget sámiid eallinvuogi reflekšuvdnan, juohke lávlla fievrrida guldaleaddji árktalaš guovllu stuorra duovdagiidda.
Sin vuosttaš skearru ilmmai 2022is, ja lei namuhuvvon oktan dán jagi varraseamos skearruin. Skearru dagahii ahte joavku šattai nammaduvvojedje Spellemann-balkkašupmáii ja vuite árbevirolašmusihka-kategoriijas 2022is.
Dat lea skearru mas seagihit árbevirolaš musihkka, blues, luođi ja mysttalašvuohta.
Festiválajođiheaddji Sajje Solbakk illuda sakka dán geasi festiválii ja lohká:
-Gabba lea okta dain eanemus ovdáneaddji čuojahanjoavkkuin Sámis justa dál. Sin musihkas oaččut áibbas erenoamáš musihkalaš mystihka ja čehppodaga. Don bovdejuvvot musihkkalaš mátkái árbevirolaš luđiin, roavva gitárain ja čavga bassalinnjáiguin. Don dovddat ahte álgoálbmogiid fámut leat bures heivejuvvon ođđaáigásaš musihkain ja čáffas duottar-bluesain. Riddu-guossit besset dál juo illudišgoahtit!