Festiválabuvttadeaddji - Sadjásašvirgi (100%) ovtta jahkái, ja mii sáhttá guhkiduvvot
Min festiválabuvttadeaddji váldá eará doaimmaid siskkáldasat boahtte jagis. Leat go de don guhte čohkkedat buvttadeaddjistullui su sadjái?
Buvttadeaddji lea Riddu Riđđu Festivála AS buvttadanjođiheaddji. Sus ovddasvástádussan leat sihke riikkaidgaskasaš eamiálbmotfestivála suoidnemánus, ja eará prošeavttat miehtá jagi.
Riddu Riđđu Festivála lea riikkaidgaskasaš eamiálbmotfestivála, mii jahkásaččat lágiduvvo Gáivuona suohkanis, Davvi-Romssas. Riddu Riđđu lea 32 jagi áigges áŋgiruššan nannet diđolašvuođa ja čeavlli sámevuođas. Festivála lea dađistaga sturron, ja šaddan mearkkašahtti ja dehálaš oassin sámi kulturhuksemis mearrasámi guovlluin. Festiválas lea dál stáhtus njunuš riikkaidgaskasaš eamiálbmotfestiválan. Festivála guovddášárvvuid mielde dat galgá leat: fátmmasteaddji, hutkkálaš, diđolaš ja lunddolaš ja das galgá leat báikkálaš čanastupmi ja globálalaš geahččanguovlu. Festivála lágiduvvo olgoáimmus, ja prográmmafálaldagat leat buot ahkásaččaide.
Mii fállat ulbmillaš, gelddolaš ja molsašuddi barggu, mas lea buorre muddui stuorra iešheanalašvuohta. Don beasat leat oassin hávskes ja áŋgiris bargobirrasa mas lea buorre ilbmi.
Bargosadji: Davvi álbmogiid guovddáš Gáivuona suohkanis, Davvi-Romssas.
Mii ohcat du guhte leat
- áŋgir ja ealljár, ja geas leat ollu bargonávccat
- struktuvrralaš ja kvalitehtadiđolaš
- searvválaš ja oktavuođaid ohcaleaddji
- positiivvalaš ja oadjebas jođiheaddji ja bargoguoibmi
geas lea
- čehppodat ja hállu oassálastit festivála ovdánahttimii, ja
- buorre čálalaš ja njálmmálaš dáro- ja eŋgelasgielaid máhttu.
Ovdun lea maid juos dus lea
- sámegielmáhttu
- sámi dáidda- ja kulturfágalaš čehppodat, ja maid máhttu máilmmi eamiálbmogiid kultuvrrain čanastupmi Sápmái, ja maid sámi fierpmádat
- vásáhusat eaktodáhtolašbargguin ja eaktodáhtolaččaid jođiheamis
Guovddáš ovddasvástádusguovllut leat:
- programmeret festivála ovttas festiválajođiheddjiin/beaivválaš jođiheddjiin ja musihkka- ja lávdedáidaga lávdegottiin
- várret artisttaid, ja dahkat soahpamušaid singuin
- koordineret logistihka ja geavatlaš dárbbuid
- plánet ja jođihit lágidemiid teknihkalaš bargguid
- ráhkadit ja bidjat johtui buvttadanplánaid
- háhkat ja jođihit lágidemiid bargoveaga
- doallat oktavuođa ja koordineret festiválaarenaid ja festivála bargojoavkkuid
- ohcamušaid čállin ja raporteren
Muhtun muddui šaddá mátkoštállat ja bargat eahkediid ja vahkkoloahpaid. Virgi raportere festiválajođiheaddjái/beaivválaš jođiheaddjái. Álgin nu jođánit go vejolaš.
Mii fállat:
- Fágalaš hástalusaid ja ovdánanvejolašvuođaid hutkás ja hávskkes bargobirrasis
- Bálká sohppojuvvo
- Máksovuđot penšuvdnaortnega
Finnmárkku ja Davvi-Romssa doaibmaavádaga ekonomalaš ovdduid, omd. oahppoloana geahpedeapmi. Loga eanet dáppe: www.finnmarkognordtroms.no
Sádde oanehis ohcamuša ja CV čujuhussii [email protected] maŋimustá miessemánu 8. beaivvi.
Juos siđat eanet dieđuid de váldde oktavuođa Riddu Riđđu festivála AS festiválajođiheaddjái, Sajje Solbakkii [email protected], tel.469 50 573, dahje Riddu Riđđu festivála AS beaivválaš jođiheaddjái, Frode Henriksenii, [email protected] , tel. 904 76 513.
Neahttasiidu: www.riddu.no