Eamijietna Riddu Riđđui
Mongolalaš Urna čuojaha fárrolaga polska klezmerjoavkkuin Krokein dán geasi Riddu Riđus.
Urna lea bajásšaddan Mongola sáđggiin, muhto válljii nuorran áŋgiruššat musihkalaš bargguin. Urna lea ovdanbuktán árbevirolaš mongolalaš musihka riikkaidgaskasaččat logenár jagi jo, ja oaivvilduvvo leat okta Asia čeahpimus lávluin.
Kroke trio ges álggahii musihkalaš barggustis Kazimerz jazzklubbain, Krakow juvddálaš gávpotguovllus, ja oaččui internašunála veahki go Steven Spielberg válddii singuin oktavuođa ráhkadettiin Schindlers liste -filmma. Dan rájes čuojahedje miehtá máilmmi ja menestuvve bures.. Joavku lea maid oassálastán filbmamusihka ráhkadeamis earret eará David Lynch filmmaide.
– Urna čáppa lávlunjietna oažžu lasi fámu go čuodjá fárrolaga klezmer ritmmaiguin. Dát eahpitkeahttá šaddá erenoamáš musihkkavásáhus, dadjá festiválahoavda Karoline Trollvik