Diehtoáŋgiris kulturministar finai Gáivuonas
Diehtoáŋgiris kulturministar, Thorhild Widvey, finai Davvi álbmogiid guovddážis ja Riddu Riđđu festivála guossis Gáivuonas sotnabeaivve guovvamánu 2. beaivve.
- Ministar lei hui diehtoáŋgir ja berošteaddji go finai min guossis, lohká guovddášhoavda Mona Solbakk. Ministar lea ieš dáhttun boahtit min lusa ja dat juo čájeha ahte son árvvus atná min barggu.
Kulturministar geavahii sotnabeaivve nannet gelbbolašvuođa mearrasámi ja eamiálbmot kultuvrraid birra. Widvey mielde leigga politihkálaš ráđđeaddi Catharina Munthe og seniorráđđeaddi Sverre Miøen. Stahtaráđđi čájehii erenoamáš beroštumi olbmuide geat leat eaktodáhtolaš barggu bokte áŋiruššan nu ahte mearrasámi báikegoddi dál bargá riikkaidgaskasaččat.
Ovdal go guđii Gáivuona dajai kulturministar: – Dii galgábehtet diehtit dan ahte mun áiggun bargat dan ala dis šaddet buorit bargoeavttut, ja mun sáhtan dáhkidit ahte máhcan fas deike.
Festivalhoavddas Kirsti Lervoll:s lea hui buorre dovdu: - Mun lean oadjebas ahte ministar lea ádden man dehálaš arena Riddu Riđđu ja guovddáš leat norgga eamiálbmotpolithkas, lohká festivalhoavda Kirsti Lervoll.