Chilelaš hip-hop násti boahtá Riddu-Riđđu-festiválii

Chilelaš Ana Tijoux lea rohkkes ja iiba unnánge politihkas berošteaddji álgoálbmotlaš ráppár. Su lea The Rolling Stones nammasaš bláđđi válljen leat čeahpemus ráppár espánjagillii, ja Newsweek bláđđi gis lea bajidan su deháleamos latiinna-amerihkálaš ráppárin riikkaidgaskasaš dásis. Dál  Tijoux lea gearggus boahtit Gáivutnii ja Riddu-Riđđu-festiválii!

Lulli-amerihkálaš niehkoguossi
Ana Tijoux šattai bajás Ránskkas politihkalaš báhtareaddjin go Chiles lei siskkáldas soahti. Tijoux čuoččuha ahte hip-hop dat lea addán sutnje kultuvrralaš gullevašvuođa. “Hip-hop lea riikkahis olbmuide gullevaš riika”, ja dat cealkámuš govvida su gullevašvuođa hip-hop-kultuvrii.

Jagi 2016 son ilmmai Riddu-Riđđu-festiválii vuoitin, go son ovddidii dánsehahtti ritmmaid ja nohkameahttun geasuheami. Tijoux lea jagi 2007 rájis huksen alccesis iežas karriera unnitloguid vealaheami govvideaddji teavsttaidisguin, mat buktet oidnosii olmmošvuoigatvuođaid rihkkumiid ja sosiála erohusaid. Son lea máŋgii olahan Grammy-nominašuvnnaide, olles jáhkkemeahttun 8 dakkárii, ja lassin sus lea vel šuokŋa mielde Breaking Bad nammasaš TV-ráiddus.

Festiválahoavda Sajje Solbakk lea danne gievvodilis
- Dás vuolgá johtui mearehis feasta! Bures mii áddet manne riikkaidgaskasaš dásis Ana Tijoux čuvoda stuorra joavkun olbmot guđet su hervvošeaddjit. Son čállá garrasit váikkuheaddji politihkalaš teavsttaid main álgoálbmogat máilmmi miehtá fátmmastit alcceseaset. Daid son čehpet ovddida šuoŋaiguin maid geažil su guldaleaddjit eai sáhte orrut lihkakeahttá! Eahpitkeahttá dát konsearta šaddá gulustuvvat!