Eavttut ja ohcanskovvi

Go deaddilat «godkjent/dohkkehan» ohcanskovis, de leat dohkkehan eaktodáhtolaš bargogaskavuođa Riddu Riđđu festiválain, dainna ovddasvástádusain ja vuoigatvuođaiguin mat dan čuvvot. Šiehtadus gusto dan gaska go Riddu Riđđu festivála bistá, suoidnemánu 12.-16. b. 2023.

Go dohkkehan šiehtadusa, de mieđan čuovvovaš eavttuide:

  • Galggan bargat unnimusat 16 diimmu. 
  • Boađán bargui áiggil ja čielggusin.
  • Geavahan suddjenrusttegiid dalle go dat gáibiduvvo.
  • Geatnegahtán iežan dieđihit eaktodáhtolaškoordináhtorii jus buozalmasvuohta dahje eará hehtte mu bargui boahtimis.

Mii eat dohkket rasismma/vealaheami man ge hámis. Mii galgat oppa áiggi ovddidit dásseárvvu ja máŋggabealatvuođa. Ii oktage galgga vásihit vealaheami sin sohkabeali, seksuála soju, oskku, kultuvrra dahje liikeivnni dihte Riddu Riđđus!

Daid geatnegasvuođaid rihkkuma atnit šiehtadusbotkemin, ja dat sáhttá dagahit ahte gáibidit du máhcahit festiválagiehtabátti ja/dahje sáddet dutnje rehkega olles dahje oasi festiválagiehtabátti hattis.

Riddu Riđđu festivála lea dáinna geatnegahtton:

  • Váruhit ahte dus, eaktodáhtolažžan, lea buorre bargodilálašvuohta go dus lea bargovuorru. 
  • Ahte dus lea lihkuhisvuođadáhkádus.
  • Addit dutnje nuvttá festiválagiehtabátti, mii addá lobi leat festiválabáikkis dan áigodagas go festivála bistá.
  • Addit dutnje ovtta Riddu Riđđu eaktodáhtolašbargi t-báiddi.
  • Fállat dutnje biepmu ja juhkamuša go leat vuorus.