Sámi feastabeaivi Operas ovttas artisttain Manne

Lehkos bures boahttimat Sámi feastabeaivái Operas ovttas Manne:in ja skihpáriiguin  

Manne bovde konsertii Opera váldolávdái ovttasbarggus Mano Music:in ja Riddu Riđđu festiválain. Dáppe šaddá sihke mánáid- ja bearaškonsearta maŋŋágaskabeaivvis ja eahkedii ges konsearta rávisolbmuide. 

Dii. 17:00 "Manne ja mánát" mánáid ja bearaškonsearta Opera váldolávddis (40 min.) 

Dii. 19:30 “Manne" ja skihpárat Opera váldolávddis (70 min.) 

Konsearttaid birra 

Herman Rundberg lea badjelaš 20 jagi čuojahan ja komponeren musihka mas lea ruohttasat su iežas mearrasámi identiteahtas. "Manne" prošeavttain de čiekŋuda dát bálkkášuvvan šuokŋadahkki iežas duogážii melodiijaid bokte mat leat inspirerejuvvon luđiin ja mearrasámi sálmmain, muhto ođasmuhtton dálááigásaš musihkalaš govadahkii. Herman lávke lávdái ovttas Arktisk fiilaharmoniija gándilnjelježiin, davvisámi artisttaiguin Inger Márjá Eira ja Elina Ijäs ja vel davvi-norggat artisttaiguin Petter Carlsen, Petter Nohr Unstad, Sverre Simonsen ja Magnus Tornensis. Guldaleaddjit besset vásihit sihke árbevirolaš- ja ođđaáigásaš luođi ja pop-rock šuoŋaid sihke sáme- ja dárogillii. 

"Čuojahit Manne Operas lea niehkun leamaš mii viimmát lea ollašuvvan. Dát šaddet stuorámus konsearttat maid lean goassige čuojahan olles bándain, guosseartisttaiguin lávddi álde ja vel vuosttasčájálmas máŋga ođđa lávlagiin. Mun illudan nu ollu čuojahit sihke nuoraid ja boarrásiid ovddas ieš dan Operavisttis velá. Konsearta heive sámi- ja ii-fal-sámi nuoraide ja rávisolbmuide. Buohkat leat bovdejuvvon ja ožžot dán eahkedis vejolašvuođa sihke vásihit ja oahpásmuvvat sámi kultuvrrain, luđiin ja musihkain. Šaddá vel erenomážet dahkat mánáid- ja bearaškonseartta váldolávddis gos sámi musihkka ja luohtti čužžot guovddážis. Sávan ahte nu máŋggas go vejolaččat geat leat oaivegávpogis, beroškeahttá duogážis, gielas dahje agis bohtet ávvudit sámi vahkku ja dán feastabeaivvi ovttas minguin. 

Oslo! Mii oaidnalit – Vi sees!"  - Manne 

Manne birra 

Komponista Herman Rundberg lea duvle vuoitán Amanda-bálkkášumi Nils Gaup filmma Guovdageainnu stuimmiid filbmamusihka ovddas ja čuojahan meahttá davi ovttas joavkkuiguin e.e Violet Road ja Alit Boazu ja vel ráhkadan musihka Den Norske Opera & Ballett ja Nobel Ráfibálkkašumi ovddas. Maŋimuš jagiin de lea ges su dáiddalaš návccat mannan čađahit "Manne" prošeavtta. 

-Gáibmeskearru "Manne" álmmuhuvvui 2023:s masa rápmi ja gudnejahttin čuovvolii ja čuojahuvvui riikkaidasáš rádiostašuvnnain e.e go NRK P3 čuojahedje debutsiŋŋela "Dárbbašan du".  

Dan rájes de lea Hermanii juolluduvvon NOPA ja Egner-bearraša Kardemommestipeanda ja vel Romssa Fylkka kulturbálkkašupmi mearrasámi luođi ja musihka barggu dáfus. Geassemánus 2026:s álmmuhii Manne skearru "Duottar ja vuotna" ovttasbarggus juoigiin Inger Márjá Eira ja dál Skábmamánus ges álmmuhuvvo mánáidskearru "Manne ja mánát". Operavistti konsearttas guovvamánu 7. beaivvi beassat mii ge gullat osiid dáid skearruin, vuosttaš háve LIVE-hámis.