Buresboahtin Riddu Riđđu nuoraidprográmmii 2019!
Háliidatgo deaivvadit eará eamiálbmotnuoraiguin? Háliidatgo oahppat juoigat ja ráhkadit vuosttaldandáidaga? Háliidatgo oaidnit čáffadis konsearttaid? Leatgo gaskal 15 ja 25 jagi boaris? Searvva nuoraidprográmmii Riddu Nuorat.
- Riddu Nuorat lágiduvvo gaskavahkus lávvordahkii, Riddu Riđđu festivála áigge.
- Deaivvadeamis beasat deaivvadit eará eamiálbmotnuoraiguin miehtá máilmmis, oahppat inuihta čottalávluma ja searvat bargobádjái mas politihkalaš váikkuheapmi ja aktivisma leat fáddán.
- Oassálastindivat gokčá festiválabileahta Riddu Riđđui, borramuša ja orruma skuvllas, mii lea áibbas lahka festiválaguovllu.
- Deaivvadeamis geavahuvvo sámegiella, dárogiella, eŋgelasgiella ja ruoššagiella. Mis leat dulkkat.
- Muitte ahte prográmma lea alkoholaheapmi!
- Dutnje sáddejuvvo sierra Nuorat bileahttakoda maŋŋilgo du ohcamuš lea dohkkehuvvon.
- Biebmu:Buot oasseváldit ožžot nuvttá iđit- ja beaivebiepmu ja váldomállása festivála áigge.
- Mátki: Riddu Riđđu máksá mátkki eanemusat 500 NOK. Sádde midjiide mátkerehkega mátkki maŋŋá ja bija mielde mátkegoluide guoski guittiid. Lea dehálaš vurket buot guittiid!
- Eanet dieđut prográmmas bohtet!
Almmuheapmi DÁS
