You are here

Riddu Riđđu -festivála

andreas_kalvig_anderson_riddu15-8395.jpg

Foto: Andreas Kalvig-Anderson

Riddu Riđđu -festivála

Riddu Riđđu lea riikkaidgaskasaš eamiálbmotfestivála maid jahkásaččat lágidit Gáivuona suohkanis Davvi-Romssas. Dáhtuin rievdadit máilmmi ásahedje Riddu Riđđu festivála 25 jagi dássái. Dan rájes lea Riddu Riđđu bargan cegget nannoseappot diđolašvuođa ja maid čeavláivuođa sámi dilis. Festiválas lea dál riikkaidgaskasaš eamiálbmotprofiila ja oaččui jagis 2009 deaivvadanbáikestáhtusa. Riddu Riđđus čevllohallat dainna go min árvvut leat nannosit sajáiduvvon organisašuvnnas ja festiválamanniid gaskkas. Riddu Riđđu lea vuovdnái go beassá leat máilmmi eamiálbmogiid áirras. Riddu Riđđu ovddasta gudnečájeheami ja ustitvuođa gaskal etnisitehtaid, eanarájiid ja kultuvrraid. 

Riddu Riđđu 2016 lágiduvvo suoidnemánu 13.-17. b. 2016, ja dán jagi lea mis 25-jagi ávvudeapmi! Fállat nugo dábálaččat girjás prográmma mas lea mánáidfestivála, dáiddačájáhus, nuoraidcampa, girjjálašvuohta, lávdedáidda, musihkka, filbmaprográmma, seminárat ja kurssat.