SÁMI CYANEED RIDDUI
Cyaneed lea historjá. Biru Baby lea baicca gearggus vuollástit máilmmi, dál nannoset sámi gullevašvuođain. Ja Riddu lea vuosttaš lávde gos čuojahit dán geasi!
Sámi namma
Čuojahanjoavku lea sirdán ollu buori muitalusaid Cyaneed birra muitogirjái. Dán vahkku leat sii medias muitalan nammamolsuma birra, ja joavkku ođđa gullevašvuođa birra. Ii leat soaittáhagas ahte beali joavkku namas lea sámegillii, danin go dat govvida joavkku gullevašvuođa, mii dál lea gearggus lávket Riddu Riđu lávdái. -Mii leat hui rámis go beassat čuojahit Riddu Riđus, ja earenoamážiid dál go mii lea ođđa namma ja ođđa gullevašvuohta. Lea hui somá ahte min nu bures vuostái váldet nannoset sámi gullevašvuođain go mii mis ovdal lei, ja mii vásihat ahte min "ruovttubáiki" lea min duogábealde, dadjá Hánná Rein, guhte lea joavkku lávlu.
Dahkat dan mii lea vejolaš
Joavku lea čuojahan Riddu Riđus 2008:is, dalle gohčoduvvui joavku Cyaneed. Dál lea fas áigi deaivvadit dáinna geasuheaddji Álttá joavkkuin. Joavku lea dadjan ahte sin lávdeguoimmuheapmi lea joavdan čuovvovaš dássái, ja lea mealgat eanet gelddolaš ja geasuheaddjin. –Dii beassabehtet oaidnit ja gullat buot Biru Baby ođđa lávlagiid, ja mis lea nu stuora čuojahanmiella ja dáhttu ahte mii geavahit buot návccaid guoimmuheamis! Mii lohpidit hárjehallat geasi rádjai vai šaddat sávrrit čuojahit, lohpida čuojahangearggus Hánná Rein. Son muitala ahte Riddu lea vuosttaš festivála gos geasset álget čuojahit. –Dán geasi lea dušše soames geardde vejolaš vásihit ja oaidnit min čuojaheamen lávddi nalde, nu ahte dát šaddá leat eksklusiiva dáhpáhus, dadjá Rein. Biru Baby áigu maiddái geahččalit olgoriikii joksat musihkainis. Okta sin áigumušain lea čájehit sámi kultuvrra olgomáilbmái, rocka bakte!
Festiválahoavdda, Kirsti Lervoll, cealkámuš:
-Mun ja min buvttadeaddji oinniime joavkku čuojaheames Romssa gávpogis, ja oaččuime duođaštuvvot dan buori dovddu mii mis lei dan ektui ahte diŋgot dán joavkku deike, dadjá festiválahoavda Kirsti Lervoll. Su mielas lea nammamolsun eanet sámi profiilla guvlui juoga mii bures heive Álttá nieiddaide. –Lea čielggas ahte šaddá sihke biru (sámegielat garrusátni) ja baby go dát geasuheaddji joavku lea lávdde nalde.