Prošeaktavirgi buvttadeaddjin Riddu Riđđu festiválas guovtti jahkái
Buvttadeaddji galgá, lagas ovttasbargguin dáiddalaš jođiheddjiin ja muđui hálddahusain, plánet ja čađahit prográmmaosiid ja prošeaktadoaimmaid Riddu Riđđu festivála olis.
Virggis lea erenoamáš ovddasvástádus festivála riikkaidgaskasaš doaimmaide ja mánáid- ja nuoraidáŋgiruššamiidda. Dát mielddisbuktá earret eará ovddasvástádusa festivála sáttagoddeprográmmas, Riddu Nuorat ja Mánáidfestiválas ja Jagi davvi álbmogiid prográmmaoasis.
Bargui gullá earret eará bušeahttabargu (dasa gullet ohcamušaid čállin ja raporteren), festivála iešguđet prošeavttaid prográmmaovddideapmi, aktivitehtaid plánen ja lágidanteknihkalaš čađaheapmi, diŋgon/šiehtadallan oasseváldiiguin ja logistihka ja geavatlaš dárbbuid koordineren.
Lassin Riddu Riđu festiválaprográmmii lea virggis ovddasvástádus čađahit iešguđetlágan doaimmaid birra jagi, sihke sis- ja olgoriikkas.
Riddu Riđđu Festivála lea riikkaidgaskasaš álgoálbmotfestivála, mii lágiduvvo jahkásaččat Gáivuona suohkanis Davvi-Romssas. Riddu Riđđu lea badjel 30 jagi bargan duddjot nannoset dihtomielalašvuođa ja rámisvuođa sámevuhtii. Dađistaga lea festivála sturron ja šaddan dehálaš oassin mearrasámi guovlluid sámi kulturloktemis. Festiválas lea dál njunuš riikkaidgaskasaš álgoálbmotfestivála stáhtus. Festivála vuođđun leat guovddášárvvut fátmmasteaddji, ođasmahtti, dihtomielalašvuohta ja lunddolašvuohta, ja maiddái nana báikkálaš čatnaseapmi ja máilmmiviidosaš gullevašvuohta. Festivála lágiduvvo olgun, ja lea prográmmafálaldat buot ahkejoavkkuide.
Mii fállat ulbmillaš, gelddolaš ja máŋggabealat barggu, mas lea ollu válljenmunni ja ollu iešheanalašvuohta. Don šattat oassin guoibmás ja áŋgiris bargobirrasis mas lea buorre oktavuođa vuoigŋa.
Bargobáiki: Davvi álbmogiid guovddáš/Senter for Nordlige Folk, Gáivuona suohkanis/Kåfjord kommune, Davvi-Romssas.
Mii ohcat du
- gii leat áŋgir ja ealljár, leat buorit bargonávccat
- gii leat struktuvrralaš ja kvalitehtadiđolaš
- gii leat roahkkat ja čanat oktavuođaid
- gii leat positiivvalaš ja oadjebas jođiheaddji ja bargoguoibmi
- geas leat eavttut ja dáhttu váikkuhit festivála ovddideapmái
- gii hálddašat dárogiela ja eaŋgalsgiela, čálalaččat ja njálmmálaččat
Dus lea ovdamunni jus
- lea sámegiela gelbbolašvuohta
- lea sámi dáidda- ja kulturfágalaš gelbbolašvuohta ja máhttu álgoálbmotkultuvrra birra máilmmiviidosaččat
- lea čatnaseapmi ja oktavuođafierpmádat Sámis
- leat vásáhusat riikkaidgaskasaš bargguin
- leat vásáhusat stuorit lágidemiin ja prošeaktajođiheamis
- leat vásáhusat eaktodáhtolaš bargguin ja jođihit eaktodáhtolaš bargiid
Guovddáš ovddasvástádussuorggit:
- Koordineret ja plánet iešguđetlágan prográmmasurggiid festivála áigge ja muđui jagis.
- Ohcamuščállin ja raporteren
- Ráhkadit / dahkat šiehtadusaid oasseváldiiguin, ja koordineret logistihka ja geavatlaš dárbbuid.
- Lágidanteknihkalaš plánen ja čađaheapmi.
- Ráhkadit ja álggahit buvttadanplánaid.
- Rekruteret ja jođihit čađahanbargoveaga.
- Oktavuohta ja koordineren festivála arenaide ja festivála eará joavkkuiguin.
Mátkkošteapmi, ja eahket- ja vahkkoloahpabargu gullá virgái. Virgi raportere festiválajođiheaddjái/beaivválaš jođiheaddjái. Álgin nu johtilit go vejolaš.
Mii fállat:
- Fágalaš hástalusaid ja ovdánanvejolašvuođaid hutkás ja buori bargobirrasis
- Bálká šiehtadusa mielde
- Sisabidjopenšunortnet
Ekonomalaš ovddut Finnmárkku ja Davvi-Romssa doaibmaguovllus, earret eará oahppoloana oanideapmi. Loga eambbo dáppe: www.finnmarkognordtroms.no
Sáddes oanehis ohcama ja CV:a deike: [email protected] ovdal njukčamánu 10. beaivvi.
Eambbo dieđuid oaččut jus válddát oktavuođa Riddu Riđđu festivála AS festiválajođiheddjiin: Sajje Solbakk sajje@riddu. no, 469 50 573, dahje Riddu Riđđu festivála AS beaivválaš jođiheddjiin: Frode Henriksen, [email protected] , tlf. 904 76 513