ISÁK gergosat jagi 2019 Riddu Riđđui

 

Sotnabeaieahkeda čuoččui ISÁK joavku lávdde nalde TV-sáddejuvvon Nobel ráfibálkkašumi ávvudeamis. Geasset leat gergosat Riddu-lávdái!

ISÁK lea guhka leamašan joavku man birra sámi musihkkamáilmmis hupmet. Dál leat šaddan olles Norgga ođđa pop-jiellahin, erenoamážit maŋŋilgo lávlu, Ella Maria, vuittii “Stjernekamp”-gilvvu NRK:s. Oallugiid mielas lea ISÁK dál okta riikka buot buoremus live-joavkkuin. 

“Mii leat nu vuovdnát go beassat fas máhccat Riddu-guolbanii 2019:s! Riddu Riđđu lea nu hirbmat dehálaš čohkkejeaddji sámi kultuvrra dáfus, ja danin áigut duođas bargat visot maid nagodit vai addit álbmás konseartavásáhusa gehččiide!” dadjá Ella Marie Hætta Isaksen.

ISÁK lea beaggán go lávdde nalde guossohit eallasis livečuojahemiid ja erenomáš oktavuođa gehččiiguin. Ođđa ja gelddolaš ovttastemiin gaskal luođi, urbána synthaid ja sátneduovdaga mas eŋgelasgiella ja sámegiella čuoldásit oktii, joatká ISÁK duvdit rájiid mat gusket dasa maid leat hárjánan gullat sámi musihkas.

Dat golmmas geat joavkku dahket leat lávlu Ella Marie Hætta Isaksen, buvttadeaddji Daniel Eriksen ja rumbbočuojaheaddji Aleksander Kostopoulos.