You are here

Buorre diehtit

Buorre diehtit

Dieđiheamit/Lihput: 

Muhtin prográmmaosiide gáibiduvvo ovddalgihtii dieđiheapmi vai oažžu saji. www.riddu.no siiddus sáhttá várret bileahtaid. Bileahtaid ferte viežžat diehtoluŋkkas 30 min. ovdal čájálmas álgá. Vieččakeahtes bileahtat biddjojuvvojit konseartabáikái.

Riššu:

Davvi álbmogiid guovddáža geallirgearddis lea vejolašvuohta riššudit. Gaskavahku - lávvordaga: bie. 09:00-13:00 ja 17:00-21:00. Sotnabeaivvi: bie. 10:00-14:00. Riššubileahtta máksá 20 kr. Muitte fal ruđa váldit mielde.

Biebmu: 

Festiválabáikkis lea vejolašvuohta oastit biepmu eanáš áigge jándoris. Vuollin 2 km geahčen Lávkgiettis leat guokte gávppi.

Giehtabáddi: 

Dušše sii geain lea festiválagiehtabáddi besset sisa festiválabáikái. Dát guoská gait beivviide earret gaskavahku veaiggi. Giehtabáddi lea persovnnalaš, ja dan oažžu go oastá beaivelihpu, vahkkoloahpapássa dehe festiválapássa.

Ahkerájit: 

  • Festiválabáikái bie. 24.00 rájes: 15 jagi ahkerádji
  • Vuollaga ja viinna vuovdinbáikái: 18 jagi ahkerádji
  • Festiválaorohahkii: 18 jagi ahkerádji
  • Bearašorohahkii: ii leat ahkerádji

Máksin: 

Festiválas sáhtát máksit sihke koarttain ja ruđain.  

Eallit - viessoeallit:

Festiválii ii leat lohpi váldit mielde elliid/viessoelliid.

Doaibmahehttejuvvon olbmot: 

Rullastuollogeavaheddjiid mii ávžžuhit váldit mielde mieđušteaddji dasgo rullastuoluin sáhttá leat váttis johttit festiválaguovllus. Suohkanlaš mieđušteaddjiduođaštus dohkkehuvvo. Davviálbmogiid guovddážis leat doaibmahehttejuvvon olbmuide heivehuvvon hivssegat.

WiFi: 

Festiválagirjerájus sáhtát láddet mátketelefovnna dahje geavahit dihtora. Báikkis lea nuvttá jođaskeahtes interneahtta. 

Eat ávžžut juhkat joga čázi!